𝐌𝐢𝐧𝐢𝐬𝐭𝐫𝐮 𝐌𝐃𝐑𝐇𝐂 𝐕𝐢𝐳𝐢𝐭𝐚 𝐆𝐫𝐮𝐩𝐮 𝐇𝐚𝐛𝐨𝐤𝐮𝐫 𝐊𝐚𝐫𝐚𝐮 𝐢𝐡𝐚 𝐁𝐨𝐛𝐨𝐦𝐞𝐭𝐨

RAEOA,09/01/2025: Ministro do Desenvolvimento Rural e Habitação Comunitária Eng. Mariano ASSANAMI Sabino, ho ekipa vizita Grupu Cilobu ne’ebe halo atividade habokur karau iha Aldeia Oebaha , Suku Bobometo, Postu Administrativu Oesilo, Reziaun Administrativu Oekuse Ambeno.

Membru Grupu sira ne’ebe halo atividade pekuaria sente kontente no agradese tanba Ministru MDRHC bele vizita grupu produtor refere hodi motiva liutan oinsa sira bele hakiak karau barak liutan hodi hadia ekonomia familia.

Grupu refere hetan apoiu ona husi Sekretariu Estadu Koperativa, maibe haree husi ninia kuantidade ki’ik tebes, tanba ne’e ministru Orieta ona diresaun jeral ba dezenvolvimentu rural nian atu apoiu grupu sira hodi aumenta produsaun barak liutan.

Iha momentu ne’e Ministru MDRHC orienta ona Prezidente Autoridade RAEOA liu husi sekretariu rejiaun ne’ebe haree liuba Agrikultura, Peskas, Pekuaria no Floresta atu apoiu grupu produtor sira hodi vasina animal sira ne’ebe sira hakiak.

Vizita traballu Ministru MDRHC nian ne’e hetan akompañamentu husi Prezidente Autoridade RAEOA, Koordenador Jeral ZEDO, Komandante PNTL RAEOA, kargu xefia sira no populasaun sira.