𝐃𝐢𝐥𝐢, 𝟑𝟎/𝟎𝟖/𝟐𝟎𝟐𝟑: Vice-Primeiro Ministro, Ministro Coordenadór dos Assuntos Sociais e Ministro do Desenvolvimento Rural e Habitação Comunitária Eng. Mariano ASSANAMI Sabino, hamutuk ho Sua Exelénsia Primeiru Ministru ho membru IX Governu tomak partisipa misa agradesimentu ba komemorasaun loron konsulta popular 30 Agusto ba dala 24 iha, Igreza Balide.
Bainhira misa agradesimentu remata membru governu no funsionariu tomak halao marsa ba simiteriu, kari ai-funan no sunu lilin hodi agradese ba martires sira neebé mate hodi sosa liberdade.
Iha intervista, Vise-Primeiru Ministru, hateten, loron 30 Agostu 1999, terminasaun destinu povu Timor-Leste, tempu ne’eba povu hamriik ho aten brani hodi ba tuir votasaun hodi hili indepedénsia, tanba ne’e tenke reforsa fila fali mehi povu nian.
Ohin povu Timor-Leste selebra dala ida tan ba luta depois tinan 1999 mai to’o agora.
“Povu ida ne’e ho aten brani sira hamrik ba tuu duni indepedénsia ida ne’e, mai ita hotu tenke reforsa fila fali mehi povu nian, sira barak mak ohin loron laiha ona iha ita nia leet, maibe ita hotu neebe sei moris tenke kontinua nafatin realiza sira nia mehi,” dehan, Vise-Primeiru Ministru iha Santa Kruz.
Ba joven hotu neebé involve-an iha organizasaun hotu-hotu, sira nia determinasaun, sira nia fó aan ba mate mak ohin bele goja liberdade, tan ne’e mak ita hotu tula nafatin responsabilidade iha kabas hodi garantia liberdade ba ema ida-idak, tanba ema ida-idak nia liberdade ne’e sosa ho 300 mill pesoas.
Tanba ne’e, ba mate-restu sira tenke garantia liberdade ida ne’e ba ema hotu-hotu, feto ka mane, kiik ka boot, fraku ka forsa hotu-hotu tenke goja nia liberdade moris.
Ba ukun nain hotu tenke servisu ho onestu hodi servi povu terus nain ida nee nunee bele fó kontinuidade hodi realiza mehi lutadór sira nian.
Entretantu, hafoin kari ai-funan, iha parte loraik Vise-Primeiru Ministru, akompaña husi membru governu sira no funsionariu hotu kontinua partisipa marsa ba paz (lao ain), husi CCD ba Jadim B.J. Habibie.
𝐌𝐞𝐝𝐢𝐚 𝐕𝐏𝐌-𝐌𝐂𝐀𝐒-𝐌𝐃𝐑𝐇𝐂
