tes
RAEOA: 10/10/2026, Diretor Nasionál Inovasaun, Promosaun no Kapasitasaun (DNIPC) Manuel Maria dos Santos halo monitorizasaun ba Programa Revitalizasaun Komunitária iha Munisipiu Oecusse akiompaña direta husi Diretór Rejionál Agrikultura (DRAG) Oecusse, José Oki, hodi hare direta rezultadu no progresu ne’ebe grupu benifisiariu sira implementa.
Iha fatin hanesa Cordenador CDA Jacinto Taninas hateten sente kontente no agradeseba MDRHC tamba liuhusi Programa Revitalizasaun Komunitária hodi hakbit komunidade iha area rural.
“ ami kontente tamba osa ne’e mai hamoris ami to’o iha ami nia fatin, prekupasaun ba ami mak ami hakiak ona karau ho isin diak maibe merkadu mak susar. Maibe ami husu nafatin ba Diretor DNIPC atu kontinua tulun ami la’os deit iha Suku Taiboko Aldeia Nemun ne’e maibe kontinua aldeia no suku sira seluk. Ami sente servisu ida ne’e mai ami la todan tamba ita hakiak karau ne’e laos loron loron ita hamutuk ho sira, karau nia hahan iha toos laran barak hein foti mai fo han deit ami fo han tuir karau nia hakarak deit”, hateten Cordenador CDA Jacinto Taninas.
Hatan ba prekupasaun ne’e Diretor Nasional Inovasaun Promosaun no Kapasitasaun, Manuel Maria dos Santos Klarifika kontinua hakiak fo han hemu atu nune nia isin diak no barak, kona ba merkadu ita nafatin buka dalan liuhusi Ministeriu Relevante sira liuliu parte Ministeriu Edukasaun kona ba Merenda Eskolar atu nune’e bele fasilita
Enkuantu Diretor DNIPC ho ekipa no Diretor DRAG hamutuk ho Brigada MDRHC Halo monitorizasaun ba grupu 6 grpu 4 iha Aldeia Nemun suco Taiboco postu administrativu Pante Makassar, Grupu 2 iha Aldeia Hau-ufe suco Lela-ufe postu administrativu Nitibe.