𝐃𝐢𝐥𝐢,𝟏𝟒/𝟎𝟗/𝟐𝟎𝟐𝟑: Vice-Primeiro Ministro, Ministro Coordenadór dos Assuntos Sociais, Ministro do Desenvolvimento Rural e Habitação Comunitária Eng. Mariano ASSANAMI Sabino, ho Prezidente Komisaun Funsaun Públiku (KFP), Dr. Faustino Cardoso Gomes ho nia ekipa diskute assuntu estruturua organika ba Ministeriu Dezenvolvimentu Rural no Habitasaun Komunitária nian.
Objetivu husi enkontru ne’e atu hodi asenta hamutuk kestaun sira ne’ebe ligadu ho nessesidade ba forsa traballu atu oinsá bele priense estrutura organika ba ministériu foun ne’e nian, hodi bele funsiona normal hodi hala’o mandatu ne’ebé ministériu ne’e iha.
Klaru katak, ministeriu ne’e foun presiza iha informasaun, klafika atu oinsá mak priense estrutura organika ho dalan hirak ne’ebe presiza liu husi destakamentu, rekizisaun no dalan seluk mak liu husi rekrutamentu.
Sua Exelénsia, destaka ho di’ak sira hakarak avansa ho destakamentu, maibe la taka dalan para ikus mai ministeriu assume responsabilidade ho nia pesoal rasik, liu husi dalan rekrutamentu.
Related Posts
Related Posts
Related Posts
La’os ne’e de’it, KFP mós ko’alia kestaun oinsá mak ministériu foun ne’e iha lalais nia órganika no diploma ministerial sira atu sai baze ba CFP bainhira simu proposta nomeasaun sira hodi assegura legalidade tantu ba funsionariu no ba iha diresaun kargu xefia sira.
Ida seluk tan, mak oinsa iha kuadru pessoal ida ne’ebé adekuadu katak, presiza iha kuadru pessoal ida mak hala’o bazeia ba nesessidade mandatu ho analiza ne’ebe klean atu hodi assegura efisiensia, efikasia, profesionalizmu no meritokrasia iha pessoal ministeriu ida ne’e nian.
Tanba ne’e, Sua Exelensia anota kestaun kona-ba oinsa mak bele servisu hamutuk iha ambitu prossesu prienximentu ba iha estrutura organika ne’ebe iha ho pessoal sira ne’ebe mak adekuadu, kualifikadu no professional.
Tan ne’e importante tebes atu parte rua ne’e kria ambiente relasaun ne’ebe di’ak nune’e CFP prontu hodi fó apoiu no servisu hamutuk.
𝐌𝐞𝐝𝐢𝐚 𝐕𝐏𝐌-𝐌𝐂𝐀𝐒-𝐌𝐃𝐑𝐇𝐂
