đđąđ„đą, đđ/đđ/đđđđ: Vice-Primeiro Ministro, Ministro CoordenadĂłr dos Assuntos Sociais, Ministro do Desenvolvimento Rural, Habitação ComunitĂĄria Eng. Mariano ASSANAMI Sabino, reprejenta Sua Exelensia Xefe Governu, Kay Rala Xanana GusmĂŁo, partisipa seminariu nasional ho tema âPromove SetĂłr Privadu ba Ekonomia Sustentavel iha Timor-Lesteâ.
Siminariu loron ida nee koalia liu kona-ba assuntu Esplora Oportunidade Negosiu no Partisipasaun Konteudu Lokal iha Setór Petroliferu no Gas, iha Timor-Leste neebé organiza husi TradeInvest Timor-Leste no Assosiasaun Emprezarial Muller Timor-Leste.
Iha intervensaun Vice-Primeiro Ministro, hatete, setĂłr Privadu nudar parseiru importante governu nian, tanba nee liu husi seminariu sira hanesan nee atu koalia nakloke ba malu oinsĂĄ bele servisu hamutuk hodi dezenvolve setĂłr save importante sira.
Ohin iha seminariu nee atu diskute klean liu tan ba setór petroliferu nian, maibé sei la taka dalan atu koalia setór sira seluk hanesan agrikultura tanba too ohin loron seidauk bele auto sufisiente ba ai-han neebé ida nee presiza halo mós diskusaun.
Governu nia funsaun atu garantia estabilidade politika, seguransa, ekonomia atu nune’e setĂłr privadu sira bele hamutuk ho governu hodi hateke ba oin, governu mĂłs iha papel importante kria politika empregu hodi emprega joven sira, maibĂ© ne’e hotu setĂłr privadu mak sei hala’o, governu hein kontrola no kria kondisaun oinsa setĂłr provadu sira bele hambrik seguru para bele hasae kresimentu ekonomia rai laran.
“Ha’u lori Primeiru Ministru nia naran hato’o parabens ba setĂłr privadu sira hotu ne’ebĂ© partisipa iha seminariu ida ne’e, setĂłr privadu la’os iha governu nia okos maibĂ© parseiru governu nian ne’ebe iha responsabilidade hanesan hodi servisu, Primeiru Ministru orienta membru governu hotu-hotu karik setor privadu sira presiza tenke ba hodi ko’alia, diskute buka solusaun saida mak sira presiza” dehan VPM, iha Salaun Multiuzus GMN, Bebora.
Governante ne’e informa, bainhira setor privadu sira husu ba koalia ho sira fomal ka informal ba ko’alia, buka dalan hotu-hotu oinsĂĄ hamutuk reduz nĂșmeru ki’ak ne’ebe sa’e ba bebeik, presiza la’o hamutuk ba to’o iha kraik hodi hatene kiak ne’e to’o iha ne’ebĂ© no oinsĂĄ mak bele rezolve, maiske ita iha servisu keta-ketak balun politiku, balun sai emprezariu maibe objetivu ida de’it.
Entaun iha diskursu GovernadĂłr Banku Sentral dehan ona sei kria kondisaun hotu-hotu para depois kria kondisaun oinsĂĄ fasilita setor privadu sira bele asesu ba banku hodi halo kreditu ho kriteria sira ne’ebe simples nune’e emprezariu sira bele halo investimentu.
Tanba dadaun ne’e joven barak iha inisiativa hakarak fila-liman maibe problema iha finanseiru entaun BCTL iha knar no responsabilidade atu haree ida ne’e oinsĂĄ empreza sira ne’e bele lao to’o kraik nune’e empregu barak iha kraik mak osan sei sei sirkula iha ne’eba ekonomia sei bele la’o di’ak.
Vise-Primeiru Ministru orienta atu banku sira bele fasilita diak liutan pekena no mediu empreza sira atu moris barak liutan sei garantia ekonomia mais sustentavel.
đđđđąđ đđđ-đđđđ-đđđđđ
