𝐕𝐢𝐬𝐞-𝐏𝐫𝐢𝐦𝐞𝐢𝐫𝐮 𝐌𝐢𝐧𝐢𝐬𝐭𝐫𝐮 𝐄𝐧𝐤𝐨𝐧𝐭𝐫𝐮 𝐡𝐨 𝐅𝐮𝐧𝐬𝐢𝐨𝐧𝐚𝐫𝐢𝐮 𝐌𝐃𝐑𝐇𝐂 𝐧𝐨 𝐀𝐮𝐭𝐨𝐫𝐢𝐝𝐚𝐝𝐞 𝐋𝐨𝐤𝐚𝐥 𝐢𝐡𝐚 𝐋𝐮𝐫𝐨

Dili, 03/11/2024: Ministro do Desenvimento Rural e Habitação Comunitária (MDRHC), Eng. Mariano ASSANAMI Sabino, realiza enkontru ho funsionariu destaku Ministeriu Dezenvolvimentu no Autoridade Komunitaria sira iha Postu Administrativu Luro, Munisipiu Lautem.

Enkontru ne’e ho objetivu atu introduz importansia husi Sentru Dezenvolvimentu Aldeia (CDA), ba funsionariu destakadu sira no ba Xefe Aldeia, Xefe Suku sira atu hatene oinsa bele servisu hamutuk hodi jere osan ne’e tuir duni nia tarjetu hodi fo moris di’ak ba populasaun iha aldeia tarjetu sira.

Aldeia nu’udar nukleu ki’ik ida ne’ebe ejiste, ho nia populasaun rasik, tanba ne’e funsionariu destakadu sira tenke esforsu makas, orienta populasaun halo produsaun barak liutan no liga sira nia produ ba merkadu lokal to’o nasional atu sira bele hetan osan.

Alende ne’e, ministeriu mos halo transferensia orsamentu ba aldeia tarjetu hodi utiliza ba implementasaun programa sira, tanba ne’e tenke kria koperativa produtivu sira nune’e produsaun agrikula sira koperativa mak sei sosa ba merkadu.

Osan ne’ebe transfere Membru CDA sira tenke jere ho di’ak oinsa osan ne’e bele iha funan hodi fo sustentabilidade ba oin, bainhira osan ne’e la jere ho di’ak mak ba oin aldeia ne’e rasik sei la hetan tan oportunidade ba programa ne’e.

Partisipa iha enkontru ne’e mai husi Administrador Postu Administrativu Luro, Xefe Suku, Xefe Aldeia sira no funsionariu destaku sira.