Díli : 08 Novembro 2024, Formandu na’in 40 termina ona formasaun Local Saemaul Undong Timor Leste 2024 durante loron tolu (3), ne’ebé hala’o iha Salaun João Paulo II, Rai Kotu.
Hafoin remata formasaun Diretór Formasaun SMU Korea Lim Seokyu Korea hato’o agradesimentu ba formandu sira hotu nia prejensa durante loron tolu , tanba ne’e matéria ne’ebé hetan sai hanesan bukae ida hodi implementa iha Aldeia sira.
‘’Ohin ita remata ona formasaun ba loron 3 iha fatin ida ne’e, ita bo’ot sira aproveita ho di’ak tebes i ita bo’ot sira aprende buat barak inklui halo vijita ba iha Projetu sira durante ne’e laos de’ita ida ne’e maibé ita bo’ot sira halo diskusaun kordenadu ha’u espera ho formasaun no disksaun sira ne’e ita bo’ot sira bele lori ba ita bo’ot sira nia Aldeia nudar mós parte ida kontribui ba hadia moris povu sira iha ita bo’ot sira nia Aldeia’’, dehan Diretór Formasaun SMU Korea Lim Seokyu
Iha fatin hanesan Diretór Geral Desenvolvimentu Rúral (DGDR), Sr. Filipe Cardoso Vieira hatete, formasaun ne’e importante tebes tanba ne’e, husu ba funsináriu destakadu sira implementa matenek ne’ebé iha nune’e bele halo mudansa iha Aldeia Alvu.
Related Posts
‘’Durante loron 3 ne’e simu matenek hanesan bukae hodi ita ba atu fasilita kondus prosesu tomak para atu gia ita nia komunidade sira nia partisipasaun, hodi konsentra ba saida maka ita atu dezenvolve hamutuk hodi halo ita nia Aldeia no komunidade ne’e bele senti dezenvolvimentu ne’e’’, DG Filipe akresenta.
Nune’e mós Diretór DNIPC sr. Feliciano Barreto subliña, hanoin iha loron 3 tenpu bele oituan maibé ita optimiza para utiliza didi’ak buat ne’ebé transforma ona husi ita nia Orador lubuk ida ne’ebé hato’o koko para atu introdus koñesimentu transfroma abilidade balun ne’ebé sira iha.
Formasaun asuntu ida ne’ebé esensial importante tebes hatu’ur iha arma pedalozia ida para atu dudu ita, atu impusiona ita para atu buka hatene atu hakbi’it ita nia abilidade, habelar ita nia koñesimentu ba atividaede sira ne’ebé ita atu hala’o iha oin mai.
Ha’u repete tan dala ida ita bo’ot sira nia papel ne’e xavi importante tebes tanba ne’e, labele senti katak buat ne’ebé ita halo ne’e ki’ik liu maibé husi ki’ik ne’e mak ita monta hamutuk atu sai komponente bo’ot ida ne’ebé kleur rezulta rezultadu ne’ebé di’ak tanba ne’e, formasaun lapara iha ne’e ita buka maneira, ita buka esforsu para atu kontinua nafatin ba oin hodi bele kumplimenta saida maka ita iha ona no saida mak seidauk.
Media MDRHC
