BOBONARU,14/12/2024: Ministru Dezenvolvimentu Rural no Habitasaun Komunitaria (MDRHC), Eng. Mariano ASSANAMI Sabino, inaugura atividade ekonomiku produtivus grupu Lotan-Foloi ne’ebe Hakiak Ikan Nila iha Aldeia Lotan, Suku Batugadé, Postu Administrativu Balibo, Munisipiu Bobonaro.
Kolam ikan ne’ebe hakiak nain sira konstrui hamutuk 31 ho medida 6×10 kada kolam, enkuantu Ministru ho komitiva hamutuk ho hakiak nain sira husik ona ikan oan hamutuk rihun 20 no tuir planu sei aumenta tan rihun 20 hodi kompleta ikan oan rihun 40.
Iha diskursu Ministru MDRHC, kontinua enkoraza peskadores sira atu nafatin iha vontade hodi kuidadu ikan oan sira ne’ebe husik ona atu bele lori rezultadu ne’ebe di’ak.
Atividade ida ne’e nu’udar programa revitalizasaun komunitaria ho objetivu atu hasa’e rendimentu ekonomia populasaun sira hahu husi aldeia mai suku, ba postu no ba munisipiu to’o nasional, nune’e ba oin ita labele dependensia bebeik produsaun husi rai seluk.
Related Posts
Related Posts
Related Posts
Iha aldeia ida ne’e ohin hakiak ikan nila, maibe presiza aumenta tan ikan seluk, presiza hakiak tan manu, bibi, karau no kuda produtu sira hanesan hare, batar, modo sira atu nune’e bele fornese ba merkadu liu-liu ba programa merenda eskolar.
Agradese ba xefe aldeia, Xefe Suku, no Autoridade Postu no Munisipiu apoiu ona atividade ida ne’e nu’udar preparasaun ba Kamara Munisipal nian, tanba ne’e funsionariu destakadu iha ne’e sei apoiu makas grupu atu nune’e kontinua halo produsaun.
Osan ne’ebe aloka mai iha ne’e hodi suporta atividade ne’e mai husi transferensia publiku, tanba ne’e ba hotu-hotu presiza tau atensaun, tenke jere ho didi’ak, ohin ita hakiak ikan entaun osan ne’ebe aloka tenke fo fila fali ba kofre aldeia nian, maiske la’os selu dala ida maibe neneik tenke fo fila atu nune’e investe fali ba fatin seluk.
Enkuantu tuir dadus 2024, iha Munisipiu Bobonaro implementasaun programa Ministeriu Dezenvolvimentu Rural Habitasaun Komunitaria, kobre ona Aldeia 10, Husi Suku ualu (, Postu Administrativu haat (4).
