tes
Dili.02/2/2026:Segunda Feira semana ne’e Guvernu liuhusi Ministeriu do Desenvolvimento Rural e Habitação Comunitária (MDRHC) entrega Sentina Públiku Unidade 2 ba Eskola Sekundariu Geral 10 de Dezembru ne’ebe Lokaliza iha Comoro, Postu Administrativu Dom Aleixo, Munisípiu Dili
Diretur Eskola Sekundariu Geral 10 de Dezembru Sr. Manuel Verdial ho manorin nain sira agradese ba Excelencia II Vice PM, MCAS e MDRHC Eng. Mariano ASSANAMI Sabino tamba bele oferese ona Sentina Públiku 2 mai eskola ida ne’e tuir duni prekupasaun ne’ebe ami hato’o no propo
sta ne’ebe ami submete
Entertantu Diretur Geral Dezenvolvimentu Rural-MDRHC Sr. Filipe Cardoso Vieira akompaña husi Diretor Nasional Infraestrutura Rural Sr. Carscalão da Conçeição partisipa iha sorumutu entre Diretur eskola ho Manorin nain sira hodi realiza termu entrega ba obra ne’ebe bele responde ba prekupasaun husi eskola refere hato’o ba iha Excelencia II Vice PM, MCAS e MDRHC, ne’ebe ohin konsege responde ho obra kiik rua bolu dehan Sentina Públiku.
DGDR Filipe informa fasilidade ne’ebe mak iha husu atu tau atensaun no kuidadu ba obra ne’e tamba fasilidade ne’e rasik uza orsamentu jeral estadu nian ne’ebe konsidera nu’udar patrimoniu estadu
“Ne’ebe obra sira ne’ebe halo kikoan maibe sai hanesan fasilidades para atu bele utiliza ba ita nia nesesidade e husu atensaun atu bele kuidadu tamba obra ne’e rasik utiliza orsamentu jeral estadu fas parte nu’udar patrimoniu do estadu, ita hotu tantu knar la hanesan maibe ita nia dever ne’e hanesan servidor estadu”.
Partisipa iha sermonia termu entrega ida ne’e, Diretur Geral Dezenvolvimentu Rural-MDRHC Sr. Filipe Cardoso Vieira, Diretor Nasional Infraestrutura Rural Sr. Carscalão da Conçeição, ekipa enjineiuru, diretor eskola 10 de Dezembru no mos profesores sira.