𝐊𝐌 𝐀𝐩𝐫𝐨𝐯𝐚 𝐎𝐉𝐄 𝟐𝟎𝟐𝟒

𝐃𝐢𝐥𝐢, 𝟎𝟐/𝟏𝟎/𝟐𝟎𝟐𝟑: Vice-Primeiro Ministro, Ministro Coordenadór dos Assuntos Sociais e Ministro Desenvolvimento Rural e Habitação Comunitária Eng. Mariano ASSANAMI Sabino, partisipa enkontru Konsellu Ministrus (KM), delibera ona hodi aprova montante totál despeza nian neebé relasiona ho títulu orsamentál ida-idak kona-ba Orsamentu Jerál Estadu ba tinan 2024 (OJE), ho valór globál neebé prevee ona hamutuk dolar amerikanu billaun 1,6. Montante ida-nee reflete redusaun 18%, ekivale ba dolar amerikanu hamutuk millaun 360, kompara ho OJE tinan 2023.

Tetu agregadu hamutuk biliaun $1,6 inklui dotasaun ida husi hamutuk $1.458.292.345 ba administrasaun sentrál, hamutuk $81.707.655 ba seguransa sosiál hamutuk $60.000.000 destina ba Rejiaun Administrativa Espesiál Oekusi Ambenu. Valór ida-nee la inklui Fundu Rezerva Seguransa Sosiál nian, ho montante hamutuk $162.007.651.

Ho valór totál OJE tinan 2024, parsela husi $400.276.781 sei aloka ba saláriu no vensimentu, hodi reprezenta ba redusaun husi pursentu 14% iha relasaun ho tinan 2023. Ho valór $254.767.075 ba beins no servisus, hodi reflete diminuisaun husi 36% kompara ho OJE tinan 2023. Ba despeza kapitál menór, prevee ho montante $247.320, enkuantu ba kapitál dezenvolvimentu milloens $177.606.384, neebé koresponde ba redusaun husi pursentu 14% no 23%, ida-idak. Ikus liu, prevee dotasaun ida $767.102.440 ba transferénsias públikas, neebé maka reprezenta redusaun ida husi 13% kompara ho OJE tinan 2023.

Entidades públikas sei finaliza sira-nia proposta orsamentu, hodi bele analiza husi Komité Revizaun Orsamentál loron 23 Outubru too loron 9 fulan-novembru. Prevee katak projetu Proposta Lei OJE tinan 2024 bele aprova husi KM too Loron 14 fulan-novembru tinan 2023 no sei entrega ba Parlamentu Nasional too loron 24 fulan-novembru.

𝐌𝐞𝐝𝐢𝐚 𝐕𝐏𝐌-𝐌𝐂𝐀𝐒-𝐌𝐃𝐑𝐇𝐂