𝐏𝐍 𝐀𝐩𝐫𝐨𝐯𝐚 𝐎𝐧𝐚 𝐎𝐫𝐬𝐚𝐦𝐞𝐧𝐭𝐮 𝐁𝐚 𝐌𝐢𝐧𝐢𝐬𝐭𝐞́𝐫𝐢𝐮 𝐃𝐞𝐳𝐞𝐧𝐯𝐨𝐥𝐯𝐢𝐦𝐞𝐧𝐭𝐮 𝐑𝐮𝐫𝐚𝐥 𝐧𝐨 𝐀𝐛𝐢𝐭𝐚𝐬𝐚𝐮𝐧 𝐊𝐨𝐦𝐮𝐧𝐢𝐭𝐚́𝐫𝐢𝐚

𝐃𝐢𝐥𝐢,𝟏𝟓/𝟏𝟐/𝟐𝟎𝟐𝟑: Parlamentu Nasionál (PN), konsege aprova ona orsamentu ba Ministériu Dezenvolvimentu Rural no Abitasaun Komunitária (MDRHC), hodi ejekuta tuir planu no programa ne’ebé programadu ona.

Iha 2024, Orsamentu ba MDRHC ne’ebé hetan ona aprovasaun iha faze espesialidade hamutuk tokon $13.150.000,00, ho nia alokasaun pur kategoria mak hanesan, ba Salariu no Vensimentu hamutuk tokon $2.796.367,00. Bens Servisu tokon $1.803.633,00. Kapital Menor rihun $800.000,00. Kapital Dezenvolvimentu tokon $4,250.000,00 no ba Tranferensia Públika nian hamutuk tokon $3.500.000,00.

Ho nune’e Parlamentu Nasional aprova ho votus Afavor 47, Kontra 2 no Abstensaun 16, nune’e orsamentu ba MDRHC pasa iha faze espesialidade.

Debate ne’e lidera husi Primeiru-Ministru Interinu. Eng. Mariano ASSANAMI Sabino, Partisipa husi Membru Governu da-sia nian, akompaña husi asesores, no tekniku sira hotu.

𝐌𝐞𝐝𝐢𝐚 𝐕𝐏𝐌-𝐌𝐃𝐑𝐇𝐂-𝐌𝐂𝐀𝐒