𝐏𝐑 𝐄𝐧𝐤𝐨𝐧𝐭𝐫𝐮 𝐡𝐨 𝐕𝐢𝐬𝐞-𝐏𝐫𝐢𝐦𝐞𝐢𝐫𝐮 𝐌𝐢𝐧𝐢𝐬𝐭𝐫𝐮 𝐍𝐚𝐢𝐧 𝐑𝐮𝐚 𝐃𝐢𝐬𝐤𝐮𝐭𝐞 𝐀𝐬𝐬𝐮𝐧𝐭𝐮 𝐒𝐨𝐬𝐢𝐚𝐢𝐬 𝐧𝐨 𝐄𝐤𝐨𝐧𝐨𝐦𝐢𝐤𝐮

𝐃𝐢𝐥𝐢,𝟎𝟖/𝟎𝟒/𝟐𝟎𝟐𝟒: Prezidente Repúblika (PR), Dr. José Ramos Horta realiza enkontru ho Vice-Primeiro Ministro, Ministro Cordenador dos Assuntos Sociais, Ministro do Desenvolvimento Rural e Habitação Comunitária Eng. Mariano ASSANAMI Sabino ho Vice-Primeiro Ministro, Ministro Cordenador dos Assuntos Ekonomicos, Ministro do Turismo e Ambiente, Sr. Francisco Kalbuady Lay, hodi ko’alia assuntu sosiais no ekonomiku. Iha Palasiu Pezidensial, Bairru-Pité.

Vice-Primeiro Ministro, Ministro Cordenador dos Assuntos Sociais, Eng. Mariano ASSANAMI Sabino, hatete, enkontru ho Xefe Estadu ne’e ko’alia liu assuntu interese estadu nian, tanba ne’e sei hato’o ba Primeiru-Ministru, Kay Rala Xanana Gusmão hodi koordena servisu sira relasaun ho assuntu sosiais no ekonomiku nian ho di’ak liutan hodi realiza vizaun Xefe Estadu nian.

“Prezidente Repúblika bolu ami mai enkontru ko’alia liga ba interese povu nian, ami rua sei koordena no sei informa ba Xefe Governu oinsa bele iha koordenasaun ne’ebe di’ak liutan hodi asegura vizaun Prezidente Republika nian liu husi servisu koordenasaun sira.” Dehan VPM.

Vizaun Xefe Estadu nian ne’e Vise-Primeiru Ministru sei lori ba Konsellu Ministru hodi fó hanoin ba membru governu tomak atu servisu ho diak liutan nune’e bele garantia dezenvolvimentu ne’ebé mais sustentavel hodi fó moris diak ba povu no nasaun.

𝐌𝐞𝐝𝐢𝐚 𝐕𝐏𝐌-𝐌𝐂𝐀𝐒-𝐌𝐃𝐑𝐇𝐂