Diretór DJDR Filipe Reprezenta Ministru MDRHC Sai Orador, Iha Seminariu Nasionál Floresta no Dezenvolvimentu Ekonómia Nasionál

Díli : 11/04/2024, Diretór Jerál Dezenvolvimentu Rúral (DJDR), Sr. Filipe Cardoso Vieira reprezenta Ministro Desenvolvimento Rural e Habitação Comunitaria (MDRHC), Eng. Mariano ASSANAMI Sabino, sai orador iha seminariu nasionál ho tema jerál Floresta no Dezenvolvimentu Ekonómia Nasionál, iha Salaun Universidade Oriental Timor Lorosa’e (UNITAL).

Iha diskursu Diretór DJDR Filipe Cardoso Vieira hatete, ita hotu presija tau matan ba floresta iha ita nia rai laran.

‘’Oinsa hanoin ideia konseptu sira ne’ebé mak bele kontribui, mellora no fortifika diak liu tan ba ejisténsia asosiasaun intelektual floresta Timor Leste ita koalia kona-ba dezenvolvimentu sektor floresta hodi impulsa ekonómia, iha ita nia País ne’e faktu ita koalia floresta, tanba ne’e ita hotu rekonese floresta hola parte lidera husi Sekretáriu Estadu Floresta, tanba estadu kontribui no tau nafatin importansia ba asuntu florestais’’.

Iha biban ne’e Diretór DJDR Filipe mós aprezenta kona-ba estabelesimentu MDRHC nian ne’ebé foin estabelese, iha IX governu konstitusionál ba partisipante sira no saida saida mak Ministériu foun ne’e atu halo hodi kontribui ba dezenvolvimentu rai ida ne’e.

Partisipa iha seminariu ne’e mak Sekretário Estadu Floresta Fernandino Vieira da Costa, Diretór DJRD Filipe Cardoso Vieira, Funsionariu sira husi diresaun jerál dezenvolvimentu rúal, Estudante, Cristal no UNITAL.

Media MDRHC