𝐉𝐚𝐩𝐚𝐮𝐧 𝐊𝐨𝐧𝐭𝐢𝐧𝐮𝐚 𝐇𝐚𝐭𝐮𝐝𝐮 𝐍𝐢𝐚 𝐕𝐨𝐧𝐭𝐚𝐝𝐞 𝐀𝐩𝐨𝐢𝐮 𝐓𝐢𝐦𝐨𝐫-𝐋𝐞𝐬𝐭𝐞 𝐢𝐡𝐚 𝐃𝐞𝐳𝐞𝐧𝐯𝐨𝐥𝐯𝐢𝐦𝐞𝐧𝐭𝐮 𝐒𝐞𝐭𝐨́𝐫 𝐒𝐚𝐮́𝐝𝐞

𝐃𝐢𝐥𝐢,𝟏𝟔/𝟎𝟒/𝟐𝟎𝟐𝟒: Embaixadór Japaun, hasoru malu ho Vice-Primeiro Ministro, Ministro Cordenador dos Assuntos Sociais, Ministro do Desenvolvimento Rural e Habitação Comunitária Eng. Mariano ASSANAMI Sabino, no Vise-Primeiru Ministru, Ministro Koordenadór Assunto Ekonomiku, Ministru Turizmu no Ambiente, Sr. Francisco Kalbuady Lay, diskute assuntu dezenvolvimentu setór saúde iha Timor-Leste.

Vise-Primeiru Ministru, Ministro Koordenadór Assunto Ekonomiku, nudar mós Primeiru Ministru Interinu, hatete, enkontru ohin entre Vice-Primeiro Ministro, Ministro Cordenador dos Assuntos Sociais, Ministra Saúde realiza enkontru ho Embaixadór Japaun atu haree posibilidade sira ne’ebé Japaun hakarak oferese mai povu Timor liu-liu iha setór saúde nian.

Iha fatin hanesan, Embaixador Japaun iha Timor-Leste, Mr. Tetsuya Kimura, hatete, enkontru ohin diskute asuntu kona-ba projetu konkretu ba konstrusaun infraestrutura Hospital Nasional Guidu Valadares (HNGV), ne’ebé kualidade ho estandarte medika internasionál.

Embaixadór Japaun ko’alia ona ho Ministra Saúde atu implementa projetu refere nune’e tempu besik hato’o ba JICA hodi mobiliza sasan sira apoiu projetu ne’e.

Enkuantu, Vice-Primeiro Ministro, Ministro Cordenador dos Assuntos Sociais, Eng. Mariano ASSANAMI Sabino, hatete, Governu presiza prepara karta intensaun para bele simu apoiu ne’ebé Japaun atu fó, tanba ne’e nudar Ministro Cordenador dos Assuntos Sociais sei hamutuk ho Ministra Saúde prepara dokumentu sira ne’e aprejenta ba Konsellu Ministru hetan aprovasaun depois entrega ba Embaixadór Japaun.