𝐆𝐨𝐯𝐞𝐫𝐧𝐮-𝐔𝐍𝐅𝐏𝐀 𝐋𝐚𝐧𝐬𝐚 𝐒𝐞𝐧𝐭𝐫𝐮 𝐊𝐮𝐢𝐝𝐚𝐝𝐮 𝐄𝐦𝐞𝐫𝐣𝐞𝐧𝐬𝐢𝐚 𝐎𝐛𝐬𝐭𝐞́𝐭𝐫𝐢𝐤𝐮 𝐧𝐨 𝐍𝐞𝐨𝐧𝐚𝐭𝐚́𝐥 𝐁𝐚𝐳𝐢𝐤𝐮 𝐢𝐡𝐚 𝐒𝐞𝐧𝐭𝐫𝐮 𝐒𝐚𝐮́𝐝𝐞 𝐆𝐥𝐞𝐧𝐨

𝐄𝐫𝐦𝐞𝐫𝐚,𝟐𝟑/𝟎𝟒/𝟐𝟎𝟐𝟒: Governu liu husi Vice-Primeiro Ministro, Ministro Cordenador dos Assuntos Sociais, Ministro do Desenvolvimento Rural e Habitação Comunitária Eng. Mariano ASSANAMI Sabino, ho Vise-Ministru Saúde nain rua hamutuk reprejentante UNFPA iha Timor-Leste lansa Sentru Kuidadu Emerjensia Obstétriku no Neonatál Baziku iha Sentru Saúde Gleno, Munisipiu Ermera.

Konstrusaun ne’ebé kompleta ho fasilidade ne’e hetan apoiu husi Governu Australia ne’ebé implementa husi UNFPA ho objetivu atu reduz mortalidade inan no bebe iha Timor-Leste.

Vise-Primeiru Ministru, lori IX Governu Konstitusionál hato’o apresiasaun ás ba povu Australia no UNFPA ne’ebé durante ne’e apoiu ona Timor-Leste nia dezenvlvimentu to’o agora no apoiu balun ohin loron sei la’o hela.

Tuir dadus rejistadu Timor iha Mal nutrisaun 47%, governu preokupa nune’e esforsu hela hamutuk ho parseiru sira atu kombate la’e sei fó ameasa boot ba labarik sira nia futuru.

Sentru ne’ebé ohin inagura presiza kuidadu ho di’ak, governu presiza tau ona osan ba manutensaun atu nune’e fasilidade sira iha nafatin kondisaun hodi fó asistensia ba inan isin rua no bebe sira.

Ba mediku sira ne’ebé hetan ona formasaun presiza hasa’e atendimentu ne’ebé ho kualidade professional.

Husu ba professional saúde sira atu promove nafatin hahan nutritivu ne’ebé populasaun kuda rasik iha kintal.

Husu ba Autoridade Munisipiu Ermera atu servisu hamutuk ho entidade hotu-hotu luta kontra mal nutrisaun iha ne’e.

Tuir dadus saúde maternu no infantil hahú husi tinan 2000-2022 Timor-Leste iha ona progresaun tuir indikador saúde nian inklui taxa mortalidade inan ho oan menus husi tinan lima, maiske nune’e Timor-Leste seidauk atinze tarjetu ne’ebé define ona.

Entre fatores ne’ebé influensia ba numeru taxa mortalidade inan no bebe atu aumeta ka reduz depende ba servisu saúde ne’ebé asesivel no kualidade, infraestrtura ne’ebé adekuadu no fatores ne’ebé importante liu mak kualidade rekursu umanus ne’ebé kualifikadu hodi halo atendimentu tuir padraun ne’ebé estabelese ona.

Governu Timor-Leste liu husi Ministeriu Saúde nia Vizaun atu mellora Kuidadu Obstétriku no Neonatál mak hanesan:

La iha inan ka bebe ida mate tanba mortalidade maternu no neonatal preventive ka atendimentu ne’ebé tarde.

Inan hotu tenke partu iha fasilidade saúde ne’eb’e hetan atendimentu husi pesoal saúde sira.

Inan sira asesu servisu emerjensia Obstétriku no Neonatál menus husi oras rua (2) nia laran.

Fornesimentu servisu emerjensia Obstétriku no Neonatál ho kuidadu no disponivel iha oras 24 nia laran.

𝐌𝐞𝐝𝐢𝐚 𝐕𝐏𝐌-𝐌𝐂𝐀𝐒-𝐌𝐃𝐑𝐇𝐂