𝐕𝐢𝐬𝐞-𝐏𝐌 𝐊𝐨𝐧𝐠𝐫𝐚𝐭𝐮𝐥𝐚 𝐁𝐨𝐦𝐛𝐞𝐢𝐫𝐮𝐬 𝐍𝐞’𝐞𝐛𝐞́ 𝐒𝐞𝐥𝐞𝐛𝐫𝐚 𝐀𝐧𝐢𝐯𝐞𝐫𝐬𝐚𝐫𝐢𝐮 𝐁𝐚 𝐝𝐚𝐥𝐚 𝟐𝟒

𝐃𝐢𝐥𝐢,𝟐𝟓/𝟎𝟒/𝟐𝟎𝟐𝟒: Vice-Primeiro Ministro, Ministro Cordenador dos Assuntos Sociais, Ministro do Desenvolvimento Rural e Habitação Comunitária Eng. Mariano ASSANAMI Sabino, hato’o nia kongratulasaun ba Bombeirus ne’ebé selebra aniversáriu ba dala 24.

Iha Serimonia ne’e, Vise-Primeiru Ministru, Bombeirus ohin ejiste tinan 24 ona hodi serví povu ida ne’e, maibé husu atu Ministru Interior, Sr. Francisco Gutteres, no Sekretáriu Estadu Protesaun Sivil Sr. Domingos Mariano Reis, kontinua tau atensaun hodi profesionaliza liutan instituisaun importante ne’e.

“Ba Ministru no Sekretariu Estadu ha’u husu atu reforsa liutan instituisaun ne’e sai forte liuta hodi halo protesaun ba dezastre sira ne’ebé akontese iha Tasi laran, Rai Maran,” dehan VPM, iha Kaikoli.

Ba pesoal ida-idak ne’ebé sai ona membru ne’e tanba vokasaun, husu atu komunga prinsipiu no misaun Bombeirus nian ne’ebé hanoin salva ema husi dezastre sira.

Atu haforsa liutan instituisaun ida ne’e mak husu atu rekruta tan membru jerasaun foun sira, no fó formasaun ba sira atu hametin liutan instituisaun ne’e ba futuru.

Lori Maun Boot, Primeiru Ministru nia naran hato’o parabens ba membru Bombeirus tomak, kontinu servisu ho responsabilidade, hodi servi estadu no povu ida ne’e ho fuan ho laran.

Partisipa iha serimonia ne’e, mai Ministru Interior, Sekretariu Estadu Floresta Sr. Fernandinho Vieira, Sekretariu Estadu Assuntu Toponomia Organizasaun Urbana, Sr. Germano Santa Brites Dias, Brigadeiro Jeneral, João Miranda “Aluc Descartes” Segundu Komandante PNTL, Komisariu Polisia, Pedro Belo, Korpu Diplomatiku, Membru Bombeirus husi munisipiu 13 inklui RAEOA no partisipante.

𝐌𝐞𝐝𝐢𝐚 𝐕𝐏𝐌-𝐌𝐂𝐀𝐒-𝐌𝐃𝐑𝐇𝐂