Lautem : 09 Marsu 2025; Ministro Desenvolvimento Rural e Habitação Comunitária Eng. Mariano ASSANAMI Sabino, Halo Inagurasaun ba atividade Hortikultura ho Sistema Modernu ‘’Smart Farming System’’, Iha Aldeia Malailada/ Sika, Suku Bduru, Postu Laútem, Munisípiu Laútem
Iha intervensaun Ministro MDRHC Eng. Mariano ASSANAMI Sabino hateten, inagurasaun ba atividade Hortikultura ho Sistema Modernu (Smart Farming System) iha ne’e sei formaliza sai mós fatin treinamentu ba foinsa’e sira foka liu ba dezenvolvimentu hortikultura.
“Ohin mai atu fó apresia hodi fo kontinuidade katak hahú ohin ba oin sentru ne’e formaliza sai sentru treinamentu ba foinsa’e sira ne’ebé mak la’os foka ba hortikultura maibé liu liu modelu irigasaun, modelu rega ne’ebé modernu. Entaun ita sei koko ba produtu oioin la’os de’it hortikultura maibé ba oin ita sei koko mós ba ai-horis sira seluk ne’ebé it hein katak métodu ida ne’e métodu digitalizasaun ne’ebe modernu, presiza duni manutensaun ne’ebe mak di’ak, kuidadu di’ak, utiliza ho didi’ak tanba ne’e mak presiza halo formasaun iha ne’e”, dehan ASSANAMI.
Partisipa iha atividade ne’e Ministro MDRHC Eng. Mariano ASSANAMI, Vise-Ministru ba Operasionalizasaun Ospitál (VMOH-sigla Portugés), Dr. Flávio Brandão Mendes de Araújo, Vise-Ministru ba Operasionalizasaun Ospitál (VMOH-sigla Portugés), dr. Flávio Brandão Mendes de Araújo, Sekretáriu Estadu Floresta (SEF), Fernandino Vieira da Costa, Diretór Gerál, Diretór Nasionál, Autoridade Lokal inklui Komunidade sira.
