AILEU, 30 Abril 2025– Ministériu Dezenvolvimentu Rurál no Abitasaun Komunitária (MDRHC) serbisu hamutuk ho Governu Korea do Súl liuhusi programa Saemaul Undong (MSU) entrega fini karau 10 ba Grupu Pekuária iha Suku Lekitora no Fini Karau 10 ba Grupu Pekuária Suku Seloi Kraik Munisípiu Aileu no sai hanesan fini karau sira ne’e ba futuru bele responde ba nesesidade merkadu internál Munisípiu Aileu nian.
Benefisiáriu Mouzinho de Almeida, atuál Vise Saemaul Undong Suku Lekitora, agradesce no aprezia Governu Timor-Leste ne’ebé halo kooperasaun serbisu ho Governu Korea do Súl hodi implemeta programa Saemaul Undong (MSU) iha Suku Lekitora nu ida-ne’e hanesan loke kampu traballu ba iha Suku hahú tinan-2021 to’o mai 2025.
Iha parte seluk, Koordenadór Programa Saemaul Undong Timor-Leste, Olderico do Rosario Marai da Silva informa, sira konvida Governu liuhusi Ministériu Dezenvolvimentu Rurál no Abitasaun Komunitária atu entrega direta fini Karau ba komunidade sira atu haki’ak no iha futuru bele iha retornu ba komunidade sira no labele depende ba ema seluk.
Governu Korea do Súl liuhusi Programa Saemaul Undong (MSU) nia apoia ba Komunidade sira iha Suku Lekitora mak hanesan dada Bee-Moos, hala’o ‘greenhouse’ hodi tuir no mos prepara fini karau no tuir planu iha tinan-2025 ne’e sei apoia tan ‘greenhouse’ neen no implementa programa kréditu ba komunidade sira iha Suku Lekitora.
