Díli, 11-Junu-2025 – Gabinete Transformasaun no Dijitalizasaun (GATD), hala’o aprezentasaun website foun Ministerio nian ba kargu xefia sira iha Ministrériu Dezenvolvimento Rural no Abitasaun Komunitaria (MDRHC).
Diretor Gabinete Tranformasaun e Dijitalizasaun haktuir, teknolojia iha era agora importante tebes liu-liu informasaun sira ne’ebe liu husi kanal dijital.
“ Timor-leste liu-liu instituisaun governo sira iha era agora, labele nafatin ho sistema analog ita sei lakon kompete ho nasaun sira seluk ho ida ne’e mak hakarak ka lakoi ita tenke moris hamutuk ho era dijital liu-liu informasaun sira ne’ebe iha dijital” dehan, Diretor GATD, Benjamin Pereira Gama.
Objetivu husi sorumutu ne’e, atu promove publikasaun informasaun no memoria instituisional sira no fó espasu tan ba dadus relevantes kona-ba plánu estratéjiku, relatóriu anual, no hanesan repositóriu dokumentál ida atu suporta peskiza, Apresentasaun ne’e hala’o iha sálaun reuniaun MDRHC iha palasio do Governo, kuarta (11/06)
Entertantu, Iha sesaun aprentasaun, aprezenta husi assessor tekniku GATD kona-ba konteudo husi website no mos dikute kona publikasaun informasaun, aprezentasaun ne’e hetan partisipa masimu husi kargu xefia sira husi Ministerio Dezenvolvimento Rural no Abitasaun Komunitaria.
