𝐌𝐢𝐧𝐢𝐬𝐭𝐫𝐮 𝐌𝐃𝐑𝐇𝐂 𝐄𝐧𝐭𝐫𝐞𝐠𝐚 𝐊𝐚𝐫𝐚𝐮 𝐇𝐚𝐦𝐮𝐭𝐮𝐤 𝟐𝟎 𝐁𝐚 𝐊𝐨𝐦𝐮𝐧𝐢𝐝𝐚𝐝𝐞 𝐒𝐮𝐤𝐮 𝐋𝐞𝐥𝐚-𝐔𝐟𝐞

𝐑𝐀𝐄𝐎𝐀,𝟏𝟏/𝟎𝟏/𝟐𝟎𝟐𝟓: Ministro do Desenvolvimento Rural e Habitação Comunitária Eng. Mariano ASSANAMI Sabino, ne’ebe akompaña husi Prezidente Autoridade Reziaun Administrativu Oekuse Ambeno (RAEOA), entrega karau vaka hamutuk 20 ba Komunidade Lela-Ufe hodi hakiak no habokur.

Iha serimonia ne’e simbolikamente entrega de’it Kaurau Vaka hamutuk 20, maibe tuir planu sei atinje to’o karau 100, tanba ne’e Ministru MDRHC mos lansa karau luhan ne’ebe tuir planu sei konstrui hamutuk 100 iha suku refere.

Iha diskursu Ministru MDRHC, agradese ba PA RAEOA ho nia estrutura ne’ebe iha kolaborasaun di’ak hodi ofisializa entrega Karau hirak ne’e ba komunidade hakiak nain sira atu bele hakiak no habokur atu nune’e ba oin sira bele faan hodi hadia sira nia ekonomia rai laran.

“Iha Oekuse uluk kedas iha karau ne’ebe barak, tanba ne’e bao in ita presiza hakiak barak liutan atu nune’e bele hadiak ekonomia komunidade nian iha suku ne’e rasik,” dehan Ministru MDRHC.

Ministru MDRHC mos sujere ba Sekretariu Rejional ba Assuntu Agrikultura atu kontinua servisu hamutuk ho komunidade hakiak nain sira se bele mai vizita sira hodi vasina sira nia animal atu nune’e bele boot lalais no isin diak nune’e bele distribui ba merkadu ho karau ne’ebe saudavel..

Vizita ne’e akompaña husi PA RAEOA, Kordenador ZEDOA, Xefe Gabinete MDRHC, Diretor Jeral Dezdenvolvimentu Rural, Komandante PNTL RAOEA, Sekretariu Rejional sira iha RAEOA no populasaun sira.