𝐊𝐨𝐨𝐫𝐝𝐞𝐧𝐚𝐝𝐨́𝐫 𝐉𝐞𝐫𝐚́𝐥 𝐌𝐂𝐀𝐒 𝐇𝐚𝐥𝐚❜𝐨 𝐀𝐛𝐞𝐫𝐭𝐮𝐫𝐚 𝐒𝐞𝐧𝐬𝐢𝐛𝐢𝐥𝐢𝐳𝐚𝐬𝐮𝐧 𝐏𝐫𝐞𝐯𝐞𝐧𝐬𝐚𝐮𝐧 𝐁𝐚 𝐓𝐫𝐚𝐧𝐬𝐦𝐢𝐬𝐚𝐮𝐧 𝐇𝐈𝐕/𝐒𝐈𝐃𝐀

𝐀𝐢𝐥𝐞𝐮, 𝟎𝟔/𝟎𝟓/𝟐𝟎𝟐𝟒: Koordenador Jerál Unidade Espesializada Gabinente Ministro Coordenador dos Assuntos Sociais, (MCAS), Sr. Arcângelo Leite, ne’ebé Reprejenta Vice-Primeiro Ministro, Ministro Cordenador dos Assuntus Sociais (MCAS), hala’o abertura sensibilizasaun kona-ba prevensaun transmisaun HIV/SIDA, ne’ebé realiza iha Suku Seloi Malere, Postu Administrativu Aileu, Munisipiu Aileu.

Iha intervensaun Koordenadór Jerál Gabinete MCAS, hatete, objetivu husi atividade ne’e halo kampaña sensibilizasaun hodi partilla informasaun sira kona-bá prevensaun ba transmisaun HIV/SIDA, nu’udar meus ida atu proteze Timor-Leste husi moras ne’ebé ameasa halakon ema nia vida.

Ba moras refere to’o ohin loron sidauk iha aimoruk atu kombate ka kura tanba ne’e, IX Governu Konstitusionál liu husi Instituisaun Nasionál Kombate HIV/SIDA (INSIDA) trasa ona polítika hodi proteje Timor-oan husi transmisaun moras hada’et ne’e.

“Nu’udar umanu ita iha direitu hanesan, tanba ne’e husu ba familia no komunidade emjeral atu labele hakribi, diskrimina no izola ema ne’ebé identifikadu afeta HIV/SIDA, tamba moras ne’e hada’et de’it liu husi relasaun sexual,” dehan, Koordenadór Jerál Gabinete MCAS.

Koordenadór ne’e antes atu hakotu nia intervensaun, husu ba foinsa’e feto no mane ne’ebé ho idade produtivu atu nafatin iha komportamentu no responsabildade hodi prevene an halo relasaun sexual ho livremente, tanba bainhira ema ida afeita ona ba moras ne’e, la’os de’it ameasa ba ema nia vida meibe ameasa mos ba futuru nasaun.

Alende ne’e Koordenador mós hato’o ninia apresiasaun as ba lider komunitáriu sira ne’ebé ho vontade di’ak servisu hamutu ho Governu atu fahe kuñesementu ba Joven no ina-aman sira hotu, oinsá atu halo prevensaun ba moras ne’e inklui hakotu stigma no diskriminasaun hasoru afetadu sira.

𝐌𝐞𝐝𝐢𝐚 𝐕𝐏𝐌-𝐌𝐂𝐀𝐒-𝐌𝐃𝐑𝐂𝐇