𝐕𝐢𝐬𝐞-𝐏𝐫𝐢𝐦𝐞𝐢𝐫𝐮 𝐌𝐢𝐧𝐢𝐬𝐭𝐫𝐮 𝐄𝐧𝐤𝐨𝐧𝐭𝐫𝐮 𝐑𝐞𝐠𝐮𝐥𝐚𝐫 𝐡𝐨 𝐌𝐢𝐧𝐢𝐬𝐭𝐫𝐚 𝐄𝐝𝐮𝐤𝐚𝐬𝐚𝐮𝐧

𝐃𝐢𝐥𝐢,𝟏𝟓/𝟎𝟒/𝟐𝟎𝟐𝟒: Vice-Primeiro Ministro, Ministro Cordenador dos Assuntos Sociais, Eng. Mariano ASSANAMI Sabino, hala’o enkontru regular ho Ministra Edukasaun, Sra. Dulce de Jesus, hodi informa progresu servisu ministeriu nian.

Enkontru regular entre Vice-Primeiro Ministro, Ministro Cordenador dos Assuntos Sociais, ho ministériu relevante sira sempre hala’o kada fulan hodi informa progresu servisu ministeriu nian no simu mós orientasaun politika hodi kontinua hala’o atendimentu públiku tuir politika IX Governu Konstitusional.

Iha intervista Ministra Edukasaun hatete, Enkontru ho Vise-Primeiru Ministru ne’e regularmente mai update kona-ba progresu no dezafius ne’ebé Ministeriu Edukasaun hasoru.

“Ohin enkontru regular ne’e ko’alia kona-ba programa dezenvolvimentu primaria infansia ne’e servisu interministerial ho integradu ne’ebé tutela ba Vise-Primeiru Ministru ami haree oituan ninia progresu iha tempu badak sei aprejenta konseitu ne’e ba Konsellu Ministru atu bele hetan aprovasaun,” dehan Ministra Edukasaun.

Konseitu ne’e presiza hetan aprovasaun nune’e bele iha servisu integradu ida nune’e ministeriu hotu-hotu servisu hamutuk hodi haree ba dezenvolvimentu primaria infansia. Ezemplu, labarik tinan tolu (3) to’o tinan Ualu ( , ne’e responsabilidade Ministeriu Edukasaun, maibé labarik hahú husi tinan 0-3 ne’e Ministériu Saúde nia responsabilidade ho nune’e presiza tebes ekipa integradu ida iha Ministro Cordenador dos Assuntos Sociais nia gabinete.

𝐌𝐞𝐝𝐢𝐚 𝐕𝐏𝐌-𝐌𝐂𝐀𝐒-𝐌𝐃𝐑𝐇𝐂