𝐕𝐢𝐬𝐞-𝐏𝐫𝐢𝐦𝐞𝐢𝐫𝐮 𝐌𝐢𝐧𝐢𝐬𝐭𝐫𝐮 𝐍𝐚𝐢𝐧 𝐑𝐮𝐚 𝐑𝐞𝐥𝐚𝐭𝐚 𝐈𝐧𝐟𝐨𝐫𝐦𝐚𝐬𝐚𝐮𝐧 𝐒𝐨𝐛𝐫𝐞 𝐏𝐫𝐞𝐩𝐚𝐫𝐚𝐬𝐚𝐮𝐧 𝐅𝐞𝐬𝐭𝐢𝐯𝐚𝐥 𝐍𝐚𝐬𝐢𝐨𝐧𝐚́𝐥 𝐁𝐚 𝐏𝐫𝐞𝐳𝐢𝐝𝐞𝐧𝐭𝐞 𝐑𝐞𝐩𝐮́𝐛𝐥𝐢𝐤𝐚

𝐃𝐢𝐥𝐢,𝟏𝟐/𝟎𝟒/𝟐𝟎𝟐𝟒: Vice-Primeiro Ministro, Ministro Cordenador dos Assuntos Sociais, Ministro do Desenvolvimento Rural e Habitação Comunitária Eng. Mariano ASSANAMI Sabino ho Vice-Primeiro Ministro, Ministro Cordenador dos Assuntos Ekonomicos, Ministro do Turismo e Ambiente, Sr. Francisco Kalbuady Lay, hasoru malu ho Prezidente Repúblika (PR), Dr. José Ramos Horta, hodi relata informasaun sobre preparasaun ba Festival Nasionál ba Promosaun Turizmu Timor-Leste, iha Palasiu Pezidensial, Bairru-Pité.

Iha intervista Vise Primiru Ministru, Ministro Koordenadór ba Assunto Sosias, no mós Prezidente Komisaun Organizadora Festival Nasional, hatete, ohin hasoru malu ho Xefe Estadu hodi hato’o informasaun kona-ba prepasaun festival nasionál ne’eb’e sei realiza iha fulan hirak mai tan.

“Preparasaun la’o dadaun ekipa tekniku sira hahú halo ezersisiu oinsá bele fó susesu ba eventu refere, hodi promove ita nia turizmu ba mundu nune’e bele sai fonte redimentu ba ita nia rain iha futuru,” dehan VPM.

Eventu refere sei realiza iha Rabilau, Postu Administrativu Maubisse, Munisipiu Ainaro, ho atividade sira hanesan, Promosaun Turizmu Kultural, Siensia Teknolojia, no Promosaun iha modalidade desporto maibé sei hala’o iha Dili.

Enkuantu kona-ba preparasaun ekipa tekniku sira hahú halo observasaun no avalia fatin ba implementasaun festival nasional no dezena ona ninia lay out, no prepara bee no saneamentu, eletrisidade, fatin ba deskansa VIP, no seluk tan.

Tuir planu eventu ne’e atu hala’o iha fulan-Augusto, maibé liu husi dialogu komunitariu, komunidade sira sujere realiza iha fulan-Setembru nia laran tanba kestaun klima iha área refere.

Ba eventu, ne’e fonte orsamentu ne’ebé atu finansia atividade mai husi Prezidentesia Repúblika ho montante tokon $1.5.

𝐌𝐞𝐝𝐢𝐚 𝐕𝐏𝐌-𝐌𝐂𝐀𝐒-𝐌𝐃𝐑𝐇𝐂