tes
Aileu: 7 Jullu 2026, Direção Nacional Inovação, Promoção e Capacitação (DNIPC), realiza Formasaun Espesifiku kona-ba Fortalesimentu Kapasidade Empreendedorismu no Inovasaun, iha Munisípiu Aileu, Postu Aileu Villa, Aldeia Hudi Laran.
Objetivu husi atividade ne’e atu hasa’e kapasidade lideransa, jestaun oragnizasional, empreendedorismu no inovasaun rúral ba komunidade sira atu bele reforsa implementasaun PRK no promove dezenvolvimentu sosioekonómiku sustentável iha área rúral.
Xefi gabineti Vice Primeiru Ministru (VPM) Arantes Isac Sarmento hatete, formasaun ne’e importante tanba, atu kapasita di’ak liu tan koñesimentu benefisiariu sira nian liu-liu ba Progrma Revitalizasaun Komunitaria.
‘’Formasaun ida ne’e nia prinsipal mak oinsa atu bele haforsa liu tan koñesimentu ita nia grupu sira atu nune’e bele iha koñesimentu di’ak liu tan para atu bele hala’o Programa ne’ebe mak iha no formasaun ida persija tebes para bele hetan lider lokal ka lider sira ne’ebe mak iha koñesimentu, iha inisiativa rasik, iha inovativu i pro-ativu’’, dehan Xegab Arantes Isac Sarmento.
Iha fatin hanesan Diretór geral dezenvolvimentu rúral (DGDR) Filipe Cardoso Vieira husu ba formandu sira atu aproveita tenpu ho di’ak nune’e Materia ne’ebé iha sai bukae ba futuru.
‘’ Objetivu ida maka atu Eleva koñesimentu oinsa sai inovadora hodi produs buat ruma, hodi kontribui ba kresimentu ekonomia iha nivel rurais tanba ne’e, Materia sira ne’ebe mak prepara mais relevante duni ho ita nia benefisiariu sira nia alvu ba iha implementador ba Programa PRK oinsa promove no dezenvolve potensia lokais, hodi oinsa bele hasa’e rendimentu iha sira nia ekonomia rurais’’, dehan Diretór Geral Filipe Cardoso Vieira.
Formasaun ne’e hala’o durante loron rua iha Uma ba Dame-Sentru Juventude Munisipiu Aileu no hetan apoiu husi Parseiru University of the Sunshine Coast (USC) ho total partisipante hamutuk limanulu.
(Media MDRHC)