Unidade Parserias no Kooperasaun, ho sigla UPK, mak servisu husi DGSC ne’ebé responsável ba tarefa relasiona ho estabelesimentu relasaun institusionál ho parseiru nasionál no estranjeiru.
UPK nia responsabilidade:
- Dezenvolve, propoin no implementa medidas sira ne’ebé konkretiza polítika públika ba área kooperasaun no parseiru ba dezenvolvimentu rural integradu inklui moris komunidade nian;
- Promove atividade sira ne’ebé presiza hodi garante sira nia alinhamentu ho planu asaun anuál no ho prioridade polítika ne’ebé defini ona ba Ministériu;
- Elabora pareser ka opiniaun kona-ba adekuasaun proposta parseiru nian ho planu estratéjiku dezenvolvimentu no prioridade polítika sira ne’ebé defini husi Governu.
- Identifika parseiru no propoin área kooperasaun no parseiru ne’ebé interesadu ba MDRHC;
- Dezenvolve no asegura relasaun kooperasaun no parseiru ho parseiru dezenvolvimentu, nasionál ka internasionál, ho koordenasaun hamutuk ho departamentu governu sira seluk;
- Asegura rekolla no tratamentu dadus husi instituisaun sira solidariedade sosial no beneficiáriu programa sosial sira ne’ebé implementa iha komunidade, inklui rekolla dadus estatístiku relasiona ho setór solidariedade sosial, ho koordenasaun hamutuk ho departamentu governu ne’ebé kompetente iha área asuntu sosial solidariedade
- Jere no mantein dadus atualizadu kona-ba asaun no projetu dezenvolvimentu rural integradu ho servisu no ministériu relevante sira seluk, ba interkruzamentu ka interoperalidade, sistematizasaun no kontrolu dadus relevante sira.
- Realiza tarefa seluk ne’ebé atribuídu husi lei, regulamentu, ka determinasaun superior nian.
Unidade Parserias no Kooperasaun dirije husi xefi ida, ne’ebé equiparadu ba efeitus legais ho diretor nasionál, nomeadu tuir termus rejime jurídiku kargu diresaun no xefia husi Administração Públika, ne’ebé depende iha hierárkia no funsionálmente ba Ministru.
*RESOURCE: DECRETO-LEI N.º 67/2023 de 14 de Setembro Artigu 22.o Unidade Parseria no Kooperasaun