tes
Aitutu, 05-11-2026 : Programa Revitalizasaun Komunitária iha Suku Aitutu, Aldeia Liantutu, kontinua la’o no hatudu implementasaun ne’ebé ho responsabilidade, ho apoiu orsamentu Transferénsia Públika $14,800 husi Ministériu Dezenvolvimentu Rurál no Abitasaun Komunitária (MDRHC) iha tinan 2025.
Hatan ba informasaun falsu no rumor balun ne’ebé mosu iha media sosiál husi parte balun ne’ebé la satisfás, grupu benefisiáriu deside la husik kestaun sira-ne’e hafraku sira-nia espiritu. Ho publikasaun sira ne’ebe ID falsu sira fahe iha media sosial ne’e, grupu foti dezafiu sira-ne’e hanesan insentivu no fo korajen boot liu tan ho obstákulu no kontinua servisu ho transparente no ho laran-moos.
Maske enfrenta kondisaun klima no tempu ne’ebé ho bailoron naruk iha fatin refere, grupu benefisiáriu halo esforsu meius alternativu oioin atu proteje no garante katak produsaun no futuru husi programa ne’e bele la’o ba oin. Esforsu sira-ne’e iha objetivu atu fo garantia no sustentabilidade ba nesesidade ekonómika grupu benefisiáriu nian ba iha tempu naruk.
Xefe no membru grupu sira hateten katak sira tenke metin ba objetivu no kompromisu sira-ne’ebé estabelese ho MDRHC, no prontu atu aproveita hotu rekusru ne’ebé fo atu fo benefísiu ba komunidade iha Aldeia Liantutu, suku Aituto, Postu Administrativu Maubisse, Munisipiu Ainaro.