𝐃𝐢𝐥𝐢,𝟎𝟖/𝟎𝟗/𝟐𝟎𝟐𝟑: Vice-Primeiro Ministro, Ministro Coordenadór dos Assuntos Sociais e Ministro Desenvolvimento Rural, Habitação Comunitária Eng. Mariano ASSANAMI Sabino, akompaña husi Ministru Juventude Desportu Arte no kultura, Sr. Nelio Isac, realiza enkontru ho lideransa arte marsiais sira.
Iha enkontru nee, Vise-Primeiru Ministru, enkoraza lideransa arte marsiais sira atu kaer metin konstrusaun tolu (3), importante, primeiru hahú ona iha 1999 hanaran konstrusaun ba paz, segundu mak konstrusaun estadu neebé hahú iha 2002 hodi hatuur konstituisaun no ikus liu mak konstrusaun nasaun.
Husi konstrusaun tolu nee sosa ruin ho ran, momentu neeba Timor oan ho Timor oan mós hatudu kroat ba malu, oho malu, fahe malu, too ikus ema seluk aproveita tama, ho prosesu naruk Timor oan fahe malu nee sai fundamentu hodi hahú hamosu rekonsiliasaun, oinsá rekoñese malu nudar Timor oan.
“Ohin ita nia Maun Boot sira hanesan, José Ramos Horta, sai Prizidente Repúblika, Maun Boot, Kay Rala Xanana Gusmão, nudar primeiru Ministru no maun Mari Alkatiri, nudar lider opozisaun konstrutivu, tanba nee ita tenke eproveita sira nudar modalidade para hakotu konflitu, tanba pasadu ita ho ita se kilat, se katana ba malu, entaun husi nee ita halo rekonsiliasaun hodi halot kroat neebé ita koalia bebeik ona, entaun konstrusaun paz nee importante no sai save para ita nia konstrusaun estadu no nasaun nee bele lao,” dehan, Vise-Primeiru Ministru, iha Sala enkontru MJDAK.
Related Posts
Related Posts
Related Posts
Konstrusaun ba paz, nudar kriteria ida ba ema bele mai investe iha nee, tanba ema atu mai investe presiza iha paz no estabilidade, entaun joven sira tenke garantia ema nia liberdade movimentu iha loron ka kalan ema lao labele tauk.
Arte marsiais governu konsidera nudar patrimoniu estadu nian tanba nee, MJDAK sei buka meius loke kampionatu nasional hodi sira bele kompete nudar atleta nasional, bele reprejenta nasaun ba kompete iha nasaun seluk.
Ba senior sira neebé fó treinu presiza haree ba dimensaun haat neebé importante hanesan, dimesaun fiziku, mental, intelektual no espiritual Tanba nee, atu hanorin membru sira labele hanorin deit fiziku, maibé tenke hanorin sira moral no espiritu nasionalizmu no patriotizmu atu sira bele iha hadomi ba nasaun no povu ida nee.
Iha enkontru nee partisipa husi lider arte marsiais hanesan, IKS.PTL, PSHT, KORK ho sira nia estrutura no Prezidente KRAM, Dr. Octavio da Conceição.
𝐌𝐞𝐝𝐢𝐚 𝐕𝐏𝐌-𝐌𝐂𝐀𝐒-𝐌𝐃𝐑𝐇𝐂
