𝐌𝐢𝐧𝐢𝐬𝐭𝐫𝐮 𝐃𝐞𝐳𝐞𝐧𝐯𝐨𝐥𝐯𝐢𝐦𝐞𝐧𝐭𝐮 𝐑𝐮𝐫𝐚𝐥 𝐧𝐨 𝐇𝐚𝐛𝐢𝐭𝐚𝐬𝐚𝐮𝐧 𝐊𝐨𝐦𝐮𝐧𝐢𝐭𝐚𝐫𝐢𝐚 𝐋𝐢𝐝𝐞𝐫𝐚 𝐄𝐧𝐤𝐨𝐧𝐭𝐫𝐮 𝐊𝐨𝐨𝐝𝐞𝐫𝐧𝐚𝐬𝐚𝐮𝐧 𝐈𝐧𝐭𝐞𝐫𝐦𝐢𝐧𝐢𝐭𝐞𝐫𝐢𝐚𝐥 𝐃𝐢𝐬𝐤𝐮𝐭𝐞 𝐀𝐬𝐬𝐮𝐧𝐭𝐮 𝐁𝐞𝐞-𝐌𝐨𝐨𝐬

𝐃𝐢𝐥𝐢,𝟐𝟔/𝟎𝟗/𝟐𝟎𝟐𝟑: Vice-Primeiro Ministro, Ministro Coordenadór dos Assuntos Sociais e Ministro do Desenvolvimento Rural e Habitação Comunitária Eng. Mariano ASSANAMI Sabino, lidera enkontru koordenasaun interministerial halo Planu Asaun Nasionál ba assuntu Bee-moos, tinan 2024 nian.

Ekipa interministerial envolve husi ministeriu sira hanesan, Ministériu Dezenvolvimentu Rural no Habitasaun Komunitária, Ministériu Obras Públika, Ministériu Administraun Estatal, Ministériu Saúde, Ministériu Edukasaun, Ministériu Agrikultura, Ministériu Petroleo Rekursus Minerais, Autoridade Munisípiu Dili, inklui Polísia Nasionál Timor-Leste (PNTL).

Ministériu hirak nee sai ekipa Task Force ida neebé lidera husi Ministru MOP, Sr. Samuel Marçal no Vise-Primeiru Ministru nain rua hanesan konselleiru.

Iha enkontru, Vise-Primeiru Ministru, Ministériu Dezenvolvimentu Rural no Habitasaun Komunitária, hatete, problema bee-moos iha Timor laran tomak inklui iha Dili tinan barak ona, maibé seidauk bele resolve, tanba bee-moos sai fatór ne’ebé kontribui hodi hamosu moras oi-oin, inklui má-nutrisaun neebé oras nee sae ba 47%.

“Problema bee-moos kleur tebes ona, tanba ne’e IX Governu hakarak iha interministerial ida neebé lidera husi Ministru Obras Públika hodi halo koordenasaun oinsá ita halo jestaun para fornese bee ne’ebé kualidade di’ak ba ita nia inan aman sira,” dehan VPM, iha Salaun MOP, Kaikoli.

Nu’udar Primeiru-Ministru Interinu iha Konsellu-Ministru deside katak, tempu ona para iha koordenasaun inkui instrusaun, ba Ministériu Edukasaun atu haree eskola sira, Ministériu Saúde haree postu saúde, Ministeriu Estatal haree suku sira to’o iha kraik ne’ebé sei falta bee-moos, no husi Institutu Jeolojia atu haree kona-ba kualidade bee iha rai oko.

Enkuantu husi Floresta oinsá mak bele kuidadu bee matan sira, entaun iha papel oin-oin maibé hotu-hotu servisu hamutk ba povu no ba rai ida ne’e, entaun tenki halo koordenasaun di’ak para rekursu bee ne’e uza ho didi’ak ba povu.

Bainhira bee nee jere halo didiak mak sei fó moris ba ai-horis, bee ba ema no balada, bee ba enerjia, ikus liu kuandu bee iha protesaun ne’ebé di’ak mak sei bele rezolve mós mudansa klimatika ne’ebé akontese.

Dadaun nee fornesimentu bee-moos ba komunidade lao hela maibé presiza komunidade nia konsensia atu labele fura kanu arbiru no husik bee sulin, halo komunidade balun lebele hetan bee-moos, fiar metin ba inan aman sira hotu bele iha konsiensia halo jestaun di’ak uma kain sei bele asesu ba bee.

Ohin loron ema liga bee illegal dala ruma tanba nia la hetan bee ne’e mak nia halo kuak, entaun ne’e la’os problema inan aman ka joven sira la iha konsiensia, maibé presiza halo jestaun, presiza iha partisipasaun komunidade, lider komunitaria sira atu kuidadu rekursus bee sira nee.

𝐌𝐞𝐝𝐢𝐚 𝐕𝐏𝐌-𝐌𝐂𝐀𝐒-𝐌𝐃𝐑𝐇𝐂