𝐌𝐃𝐑𝐇𝐂-𝐂𝐂𝐓 𝐋𝐚𝐧𝐬𝐚 𝐊𝐮𝐝𝐚 𝐊𝐚𝐤𝐚𝐮 𝐧𝐨 𝐕𝐚𝐧𝐢𝐥𝐥𝐚 𝐢𝐡𝐚 𝐌𝐮𝐧𝐢𝐬𝐢́𝐩𝐢𝐮 𝐋𝐚𝐮𝐭𝐞𝐦

𝐋𝐀𝐔𝐓𝐄𝐌, 𝟐𝟑/𝟏𝟎/𝟐𝟎𝟐𝟑: Ministro do Desenvolvimento Rural e Habitação Comunitária (MDHC), Eng. Mariano ASSANAMI Sabino, hamutuk ho Cooperativa Caffe Timor (CCT), halo lansamentu kuda Kakau no Vanilla iha, Bairru RSS/Pato, Suku Fuiloru, Postu Administrativa Losplos Villa, Munisípiu Lautem.

Programa lansamentu ne’e organiza husi Embaixada Nova Zelandia ho CCT ne’ebé durante ne’e servisu hamutuk iha setór agrikultura ne’ebé foku iha produtu kuda Kaffé, Kakau, Vanilla, Cenke no Pimenta.

Tuir dadus ne’ebé relata husi, Vise-Primeiru Ministru katak, iha Lautém de’it CCT distribui ona Kakau hun hamutuk rihun 50, Vanilla rihun 25, Pimenta no Cenke rihun 3, ba povu agrikultór iha Lospalos.

Enkuantu, iha teritoriu nasionál CCT distribui ona Kakau hamutuk rihun 500, Vanilla hamutuk rihun 600, Cenke rihun 500, Pimenta rihun 15, ne’e ba agrikultór hamutuk rihun 15 iha nivel nasionál no iha Lautém de’it sira fó Assitensia ba Mil Agrikultores.

“Ha’u mai hanesan Ministru Dezenvolvimentu Rural, atu haree potensia iha rurais, potensia sira ne’ebé seidauk útiliza maximu ho dezenvolvmentu intregradu ne’ebé mak tun mai husi setór oi-oin, Agrikultura, Floresta, Pekuaria, Kooperativa, Edukasaun Rurais, Saúde Rurais, Nútrisaun Rurais,” dehan, VPM iha, Pato Lospalos.

Vise-Primeiru Ministru informa, vizita ida ne’e bazeia ba programa Nova Zelandia nian, maibé tuir mai bainhira remata tiha diskusaun orsamentu no elesaun suku sei tuir mai fali hodi komesa Dezenvolvimentu Rural hodi tuur hamutuk ho Xefe Suku no Xefe Aldeia sira hamutuk ho Prezidente Munisípiu ho Profesionais sira ho Diresaun Agrikultura, Diresaun Floresta, Diresaun Pekuaria, Diresaun Kooperativa, Komersiu Industria atu bele haree ona planeia oinsá ordena didiak dezenvolvimentu iha kraik ne’e.

Dezenvolvimentu Rural, nudar ministeriu foun ne’ebé mak la’os sektoral, maibé zonas rurais no urbana, Ezemplu, Edukasaun, Saúde, Agrikultura ne’e sektoral.

Tanba ne’e , ministeriu ne’e sei halo koordenasaun ho ministeriu hotu-hotu oinsá atu integra dezenvolvimentu iha kraik, koordena didiak ho munisipal sira atu útiliza maximu rai ne’ebé mak iha, potensia ekonómia no potensia rekursu umanu ne’ebé iha.

Alende atu rezolve problema lubuk ida ne’ebé mosu iha kraik hanesan, problema sosial, problema kultural, problema edukasaun liu-liu ba nutrisaun ne’ebé mak seidauk di’ak, merenda eskolár ne’ebé mak seidauk di’ak no problema seluk ne’ebé mak iha kraik.

Entaun ministériu ne’e halo koordenasaun atu komesa ordena no integradu ona programa ne’ebé mak iha ne’eba, reforsa liu ezistensia munisipal karik ba oin iha eleisaun bele halo servisu di’ak kuandu iha ona Autoridade Munisipal, reforsa liu estrutura ne’ebé mak iha kraik hanesan polisia komunitariu no autoridade komunitariu. Ne’ebé haree husi programa PNDS halo ona dezenvolvimentu ne’ebé mak la’o ona.

Agora dezenvolve fali rekursu ema atu bele util, estrada ho bee ne’ebé mak iha, estrada ne’ebé mak iha tenki util maximu se la’e bele iha estrada di’ak, maibé la útil maximu ou iha bee, maibé la útil, iha Laútem iha bee Ira-lalaru bee lubuk ida iha rai okos ne’e maximu, maibé seidauk utiliza maximu nune’e mós hanoin ba teknolozia iha futuru hanesan irrigasaun, vizita ne’e ba Nova Zelandia, maibé halo ona mós diskusaun ho komunidade, estrutura Ministeriu Agrikultura ne’ebé iha ne’e.

Ba CCT ne’ebé mak durante ne’e tempu naruk dezde Rezistensia CCT mak sosa kafé no kuda mos vanilla, kakau, cenke ne’ebé mak iha, maibe hafoin tiha tempu naruk haree ba katak seidauk no hakarak optimiza maximu liu tan ba setór ida ne’e.

𝐌𝐞𝐝𝐢𝐚 𝐕𝐏𝐌-𝐌𝐂𝐀𝐒-𝐌𝐃𝐑𝐇𝐂