𝐌𝐢𝐧𝐢𝐬𝐭𝐫o 𝐃ezenvolvimentu 𝐑ural e 𝐇abitação 𝐂omunitária 𝐑𝐞𝐚𝐥𝐢𝐳𝐚 𝐑𝐞𝐮𝐧𝐢𝐚𝐮𝐧 𝐡𝐨 𝐔𝐧𝐢𝐚𝐮𝐧 𝐄𝐮𝐫𝐨𝐩𝐞𝐢𝐚 𝐃𝐢𝐬𝐤𝐮𝐭𝐞 𝐀𝐬𝐬𝐮𝐧𝐭𝐮 𝐀𝐠𝐫𝐢𝐤𝐮𝐥𝐭𝐮𝐫𝐚

𝐃𝐢𝐥𝐢,𝟎𝟗/𝟏𝟎/𝟐𝟎𝟐𝟑: Vice-Primeiro Ministro, Ministro Coordenadór dos Assuntos Sociais e Ministro Desenvolvimento Rural e Habitação Comunitária Eng. Mariano ASSANAMI Sabino, realiza enkontru ho Uniaun Europeia (UE), hodi diskute assuntu agrikultura.

Xefe Delegasaun UE iha Timor-Leste, Sr. Marc FIEDRICH, hatete, enkontru ho Vise-Primeiru Ministru ohin ne’e hakarak atu hato’o kongratulasaun ba sua exelensia relasiona ho knar ne’ebé nia hetan.

“Ha’u sente kontenti tebes ohin bele direitamente rona programa husi Sua Exelensia, hodi ami diskute asuntu labarik nian no diskute mós assuntu dezenvolvimentu rural nian,” dehan Sr. Marc FIEDRICH, iha Palasiu Governu.

Sr. Marc FIEDRICH rona katak, governu prepara ona Stering Committe ida atu haree ba assuntu Primeira Infánsia (Early Childhood) oinsá labarik sira bele hetan oportunidade ba atividade sira ne’ebé mak hala’o durante UE supporta.

Assuntu ne’e interesante tebes, tanba ne’e UE sei kontinua apoiu programa Mandatu IX Governu Konstitusionál nian.

Alende ne’e, parte rua mós diskute kona-ba setór agrikultura, oinsá toos nain sira bele servisu di’ak, tanba ne’e UE foti ona inisiativa servisu hamutuk ho SEFOPE hodi fó treinamentu vokasionál ba toos nain sira iha área rural.

Alende ne’e diskute mós asuntu bee-moos nian oinsá UE bele hola parte, tanba aspeitu ne’e importante liu. Loos duni katak, nasaun balun investe ona iha setór bee-moos, maibé Komisaun UE ko’alia oinsá Timor-Leste bele simu emprestimu oituan hodi investe iha setór bee-moos hodi fornese ba povu sira iha área rural.

𝐌𝐞𝐝𝐢𝐚 𝐕𝐏𝐌-𝐌𝐂𝐀𝐒-𝐌𝐃𝐑𝐇𝐂