𝐊𝐨𝐦𝐩𝐚𝐧̃𝐚 𝐇𝐚𝐡𝐮́ 𝐀𝐬𝐢𝐧𝐚 𝐊𝐨𝐧𝐭𝐫𝐚𝐭𝐮 𝐇𝐨𝐝𝐢 𝐈𝐦𝐩𝐥𝐞𝐦𝐞𝐧𝐭𝐚 𝐏𝐫𝐨𝐣𝐞𝐭𝐮 𝐔𝐦𝐚 𝐃𝐢𝐠𝐧𝐮 𝐢𝐡𝐚 𝐌𝐮𝐧𝐢𝐬𝐢𝐩𝐢𝐮 𝐓𝐨𝐥𝐮

𝐃𝐢𝐥𝐢,𝟏𝟖/𝟏𝟏/𝟐𝟎𝟐𝟒: Ministerio do Desenvolvimento Rural e Habitação Comunitária (MDRHC), hahú selebra kontratu ho kompaña manan nain sira hodi implementa projetu uma dignu lot 3 ne’ebe sei implementa iha Munisipiu Bobonaru, Manatutu no Manufahi.

Kompaña manan nain sira ne’ebe atu implementa projetu refere mak hanesan, Delong, Unipesoal. Lda sei konstrui Uma Dignu Lot-1 iha Suku Aubeon, Postu Administrativu Barike, Munisipiu Manatuto hamutuk uma 25.

Kompaña Aimen Unip.Lda. JV Eliezer Unip. Lda. sei konstrui Uma Dignu Lot-2 iha Suku Klakuk, Postu Administrativu Fatuberlihu, Munisipiu Mananufahi, hamutuk uma unidade 25.

Kompaña Rics Unip.Lda sei konstrui Uma Dignu Lot-3 iha Tunubibi Maliana uma hamutuk 25 unidade.

Enkuantu kompaña manan nain ba konstrusaun foun ba Playground iha Aubeon mak hanesan Puneotgolindri Unip. Lda no konstrusaun Kafetaria kompaña manan nain mak hanesan Carinho Construction Unip. Lda.

Kompaña sira ne’ebe selebra ona kontratu dadaun ne’e sira hahu halo mobilizasaun iha terenu nune’e tempu besik hahu konstrusaun ba obra refere.

Iha serimonia selebrasaun akordu, Ministro do Desenvolvimento Rural e Habição Comunitaria Eng. Mariano ASSANAMI Sabino, husu ba kompaña sira atu servisu didiak ho responsabilidade nudar Timor-oan.

“Imi tenke servisu didiak ho responsabilidade se ita boot sira halo konstrusaun ne’e ho responsabilidade sei hasa’e mos ita boot sira nia kompana ninia reputasaun di’ak no iha futuru ita sei kontinua servisu hamutuk,” Dehan Ministro.