tes
Aileu: 8 Jullu 2026, Diretor Direção Nacional Inovação, Promoção e Capacitação (DNIPC) Manuel Maria dos Santos ofisialmente halo enseramentu formasaun espesifiku ba fortalesimentu kapasidade empreendedorismu no inovasaun Rural, iha Uma ba Dame-Sentru Juventude Munisipiu Aileu, Postu Aileu Villa.
Diretor DNIPC Manuel Maria dos Santos hatete, “durante Loron rua benefisiariu sira intende di’ak no iha vonatde rona, aprende hodi aplika saida mak sira hetan hodi implementa atividade iha terenu i ha’u hanoin ita persija formasaun sira hanesan ne’e tanba Ministeriu MDRHC apoiu ona komunidade sira ho fundus maibe, ita persija eleva sira nia kapasidade hodi jere nune’e bele hetan rezultadu”, dehan Diretor DNIPC Manuel Maria dos Santos, hafoin ensera formasaun.
Entertantu, Formasaun loron daruak estabelese ba fortalesimentu kapasidade ba dezenvolvimentu rural no empreendedorismu reprezenta parseria estratejiku ida entre Ministeriu MDRHC no Universidade of the Sunshine Coast-Australia, hodi empodera kapasidade, promove empreendedorismu, inovasaun no apoiu Programa Revitalizasaun Komunitaria (PRK), iha area rural.
Nune’ mos sei fo kontribuisaun, hodi kria komunidade rural ne’ebe reziliente, fornese oportunidade ba sira oinsa atu bele komprende kona-ba asesu merkadu, hodi hasa’e sira nia kresimentu ekonomiku, fo kbi’it ba foinsa’e sira hodi integra ba vizaun nasional ne’ebe sustentavel no inkluzivu.
(Media MDRHC)