Enkontru Koordenasaun Servisu Interministerial

Ministériu sira ne’ebé tama iha liña koordenasaun Ministru Koordenadór Assuntus Sosiais nian hodi atualiza informasau ba implementasaun programas prioridades loron 120 nian mak hanesan, Ministeriu Saúde, Ministeiru Edukasaun, Ministeriu Ensinu Superior, Siensia no Kultura, Ministeriu Solidariedade Sosial no Inkluzaun, Ministériu ba Assuntu Kombatentes Libertasaun Nasionál, Ministeriu Juventude Desportu, Arte no Kultura.

Parte Ministeriu Saúde nian atualiza programa ne’ebé prioridade hodi rezolve iha loron 120 nia laran mak hanesan, moras dengue, TBC, má nutrisaun no mellora jestaun ba distribisaun medikamentu, mellora atendimentu públiku iha HNGV, Sentru saúde no Postu Saúde sira.

Ministeiru Edukasaun nian atualiza programa prioridade hodi rezolve iha loron 120 nia laran mak hanesan, problema profesores kontratadu no volontariu, resolve problema merenda eskolár.

Ministeriu Ensinu Superior, Siensia no Kultura, sei fó prioridade ba assuntu melloramentu kualidade ensinu no hasa’e kualidade dosente sira iha area lingua nian.

Ministériu Solidariedade Sosial no Inkluzaun, sei resolve pagamentu ba idozus, seguransa sosiais.

Ministériu ba Assuntu Kombatentes Libertasaun Nasionál, sei fó prioridade ba halot restu mortais, verifika dadus Antigus Kombatentes Libertasaun Nasionál ne’ebé rezista iha 2009 ne’ebé to’o ohin loron seidauk remata.

Ministeriu Juventude Desportu, Arte no Kultura, nia fó prioridade ba polítika desportu no arte marsiais, no buka solusaun ba Assosiasaun desportivas sira ne’ebé durante ne’e sei iha diferensia.

Tanba ne’e, oinsá kontinua kria enkontru mensal ho regularmente no nakloke liu ba ajente sira ne’ebe fó apoiu ba ministeriu sosiais sira no organizasaun lubuk ida ne’ebe mak prezisa halo koordenasaun hodi sinkroniza programa sira atu asaun bele la’o ho di’ak.

Ministeriu Koordenador responsabilidade hodi halo akompañamentu ba assuntu prioridade, interligadu ba ajensia, embaixada no nasaun doadores sira apoiu atu bele servisu hamutuk ho di’ak nune’e asaun ne’e tenki di’ak iha kraik no ikus liu mak halo monitorizasaun, avaliasaun katak, programa sira ne’e efetivu duni no tenki atinje tarjetu.

𝐌𝐞𝐝𝐢𝐚 𝐕𝐏𝐌-𝐌𝐂𝐀𝐒-𝐌𝐃𝐑𝐇𝐂