𝐕𝐢𝐬𝐞-𝐏𝐫𝐢𝐦𝐞𝐢𝐫𝐮 𝐇𝐚𝐥𝐚❜𝐨 𝐄𝐧𝐤𝐨𝐧𝐭𝐫𝐮 𝐡𝐨 𝐊𝐚𝐫𝐠𝐮 𝐗𝐞𝐟𝐢𝐚 𝐧𝐨 𝐅𝐮𝐧𝐬𝐢𝐨𝐧𝐚𝐫𝐢𝐮 𝐌𝐃𝐑𝐇𝐂

𝐃𝐢𝐥𝐢,𝟐𝟑/𝟎𝟓/𝟐𝟎𝟐𝟒: Vice-Primeiro Ministro, Ministro Coodernador dos Assuntos Sociais, Ministro do Desenvolvimento Rural e Habitação Comunitária, Eng. Mariano ASSANAMI Sabino, hala’o enkontru ho diretores, asesores no funsionariu tomak ministeriu nian, iha Salaun Luz Klarita.

Iha enkontru ne’e, Xefe Gabinete, Mariano Fernando Malik, hatete, enkontru ne’e ho objetivu atu simu orientasaun servisu husi ministru ba Diretor Jeral, Diretor Nasional, Xefe Departamentu, Asesores, Tekniku espesializadu no funsionariu hotu atu servisu ho didiak tuir vizaun no misaun ministeriu nian.

Iha fatin hanesan, Ministru MDRHC, hatete, Ministeriu Dezenvolvimentu Rural no Habitasaun Komunitaria ne’e ministeriu foun, ne’ebe servisu direita ho komunidade iha area rural, oinsá dezenvolve aldeia sira atu ekonomikamente labele depende ba ema seluk.

Tanba ne’e, ba funsionariu hotu-hotu ne’ebe ministeriu rekruta tenke preparadu tanba 75% sei fila-fali ba hamutuk ho komunidade hodi dezenvolve aldeia

“Ita nia ministeriu ne’e nia alvu mak rural, entaun ita hotu tenke preparadu para ba aldeia, hamutuk ho povu halo planu, ita bele dezenvolve setor agrikultura, halo toos no natar, hakiak ikan, hakiak animal ne’ebe bele fo moris ba komunidade,” dehan Ministru MDRHC.

Ba kargu xefia sira, tenke buka hatene oinsa koloka funsionariu sira kompleta ho ninia tarefa servisu atu sira ida-idak bele hatene sira nia diresaun servisu.

Nune’e mos ba funsionariu sira ida-idak tenke buka aprende dezenvolve aan, semak seidauk iha esperensia buka aprende ho sira seluk, koko respeita malu, respeita superior sira hodi garantia funsionamentu ministeriu nian.