Laútem : 02 Maiu 2025, kontinua hala’o atividade formasaun konaba pratika produsaun ai-han imun ba Grupu Produtivu sira iha SDA Narunteino, Suku Maina 1, atividade ne’e importante atu bele lori agrikultor sir aka grupu produtivu sira ne’e bele kore-an husi dependensia ba Aimoruk no aihan animal importadu.
Objetivu husi formasaun no prátika ne’e atu bele hasa’e no promove koñesimentu no abilidade grupu produtivu/to’os na’in sira nian, hodi bele prátika iha vida real.
Material ne’ebé utiliza mak hanesan Kinur matak deut deit to’o ut no labele blender tamba too ohin loron iha aldeia nateinu ne’e seidauk iha eletrisidade, materia ne’ebe deút ut ona ne’e depois kahur ho 30 gram Masin Midar no Nú-ben litru 1 kedok hamutuk tiha hodi tau ba iha Aqua mamuk 1 litru no rai durante loron 14 mak foin bele foti sukat ba akua matan ida bele kahur ho be litru 5, hodi fó hemu ba manu, fahi, karau atu nune’e evita moras.
Nune’e Ailia kahur ho Masin Midar, nú-ben halo prosesu hanesan nune’e mós temulawak/ curcuma hein loron 14 bele fó hemu ba Manu.
Material ne’e kahur ho kinur ne’e atu halo animal haki’ak ne’e bele resisten husi moras, kahur ho ai-dila atu animal haki’ak nia imunidade/ isin forte, kahur ho temulawak/ curcuma atu halo animal haki’ak ne’e iha vontade han atu nune’e bele hetan nia naan ne’ebé di’ak atu bele konsumu no mós fan.
Partisipa iha formasaun ne’e maka komunidade liu-liu to’os na’in no grupu benefisiáriu sira no mós tekniku espesializadu husi Ministériu MDRHC.
