tes
𝐌𝐚𝐧𝐚𝐭𝐮𝐭𝐨, 𝐑𝐞𝐦𝐛𝐨𝐫, 𝐒𝐞𝐱𝐭𝐚-𝐅𝐞𝐢𝐫𝐚, 𝟏𝟎 𝐉𝐮𝐧̃𝐮 𝟐𝟎𝟐𝟔
Ministério do Desemvolvimento Rural e Habitação Comunitária (MDRHC), Direção Geral Desemvolvimento Rural (DGDR), Liuhusi nia Direção Nasional Inovação Promoção Capasitação (DNIPC) hala’o Lansamentu Programa Revilitasaun Komunitária (PRK), ho atividade haki’ak manu lokal, haki’ak fahi, haki’ak bibi timur hodi reforsa ekonomia bazikú Iha Aldeia Rembor, Suku Aiteas.
Iha seremonia lansamentu ida ne’e, Abertura husi reprezentante PAM, Administrador Postu Administrativu Manatuto Sr. José Pedro da Cunha, salienta liu tan katak, wainhira grupu ida atu susesu tenke iha onestidade no transparansia ba malu, atu nune’é labele kria dezentendementu iha grupu ne’e rasik. Depois de ensera lansamentu kontinua kedas ba vizita fatin produtivu haki’iak ikan, fahi, no manu ne’ebé kria inisiativá rasik husi komunidade Aldeia Rembor, sai hanesan ezemplar ida ba Aldeia sira seluk iha Manatuto rasik.
DGDR Interino Sr. Marito Vicente ds Costa Salienta tan Ministeriu MDRHC foin hamrik tinan hat nia laran husi IX Governu nia ukun, Ministeriu MDRHC mai ho nia programa rua mak Revitalizasaun Komunitaria no Abitasaun Komuntaria, Programa Revitalizasaun ne’ebe tama ona iha Munisipiu Manatutu hamutuk Aldeia 47 mak Kobre ona espera tinan oin sei kontinua aldeia ne’ebe mak seidauk hetan.
Seremonia lansamentu ida ne’e marka prezensa husi APA Manatuto, DGDR Interinu, Diretor DNIPC, Diretor Agrikultura Interinu Munisípiu Manatuto, Komandante Eskuadra Munisípiu Manatuto, Funsiunarius destakadu MDRHC, Xefé Suku, Xefé Aldeia, reprezentante Xefé Suku Sau, Ailili, Ma’abat, entidades relevantes sira, no komunidade Aldeia Rembor rasik.