DILI,06/12/2024: Ministro do Desenvolvimento Rural e Habitação Comunitaria (MDRHC) Eng. Mariano ASSANAMI Sabino, sai orador prinsipal iha Programa Meet the Press, ne’ebe organiza husi Sekretaria Estadu Komunikasaun Sosial (SEKOMS), hodi ko’alia kona-ba dezafius no progressu dezenvolvimentu Habitasaun Komunitaria, iha Salaun Ministeriu Trnsporte no Komunikasaun, Kaikoli.
Programa Meet The Press ne’e modera direita husi Sekretaria Estadu SEKOMS, Expedito Loro Dias Ximenes, ho objetivu atu ko’alia sai obstakulu no progressu atinjimentu dezenvolvimentu ne’ebe la’o dadaun ona duarnte ne’e.
Ministru MDRHC, agradese ba jornalista sira hotu ne’ebe fo ona tempu hodi durante akompaña prosesu dezenvolvimentu habitasaun komunitaria hodi halo kritika no fo sujestaun hodi ami bele leno aan halo dezenvolvimentu ne’ebe di’ak liu ba povu.
“Ha’u agradese ba jornalista sira ita presiza duni media ida ne’ebe independente, presiza kria diskusaun ka debate bebeik kona-ba assuntu demokrasia, dezenvolvimentu ekonomia, infraestrutura, sosial kultura, no seluk tan,” dehan Ministru MDRHC.
Related Posts
Kona-ba dezafius no progresu dezenvovimentu Habitasaun Komunitaria nian, Ministru hatete, Ministeriu MDRHC ne’e ministeriu foun, entaun buat hotu hahu ho jero, maibe iha tinan ida ne’e agradese tanba konsege produz ona dekretu lei ba Revitalizasaun Komunitaria no Uma Dignu ne’ebe hetan ona aprovasaun iha nivel konsellu Ministru.
Alende ne’e, ba konstrusaun uma dignu ba 2024 nian sei hala’o iha Manufahi, Bobonaro, Manatuto, projetu uma dignu iha fatin tolu hamutuk 90, ne’ebe agora dadaun komesa la’o ona, hein katak fulan tolu haat mai bele finaliza.
Partisipa iha Programa Sorumutu ho Jornalista, husi media onlin, emprime, no eletroniku sira iha Dili.
Média MDRHC
