Departamentu Formasaun no Kapasitasaun nudar servisu husi DNIPC ne’ebé responsável ba formasaun no kapasitasaun komunidade sira kona-ba dezenvolvimentu espíritu empreendedorismu iha meiu ka área rural nian.
Kompetensia ba Departamentu Formasaun no Kapasitasaun atu:
- Elabora no implementa planu estratéjiku ba funsionamentu di’ak Departamentu nian, nune’e tenke estabelese objetivu klaru, metas ho prazu definidu no tenke aprova husi Diretór DNIPF;
- Dezenvolve no implementa planu ho proposta orsamentu internu atu aprezenta no aprova husi Diretór DNIPF;
- Assegura realisasaun atividade sira ne’ebé presiza hodi ezekuta planu atividade anuál sira direta ba formasaun no kapasitasaun ba dezenvolvimentu rural integradu nian;
- Propoin polítika no estratéjia ne’ebé estimula partisipasaun komunitária, hodi aumenta sira nia kapasitasaun ba empreendedorismu;
- Promove, dinamiza atividade marketing, komunikasaun kona-ba dezenvolvimentu rural integradu sustentável, hodi kapasita no forma ema sira;
- Propoin métodu no téknika avansadu ba inovasaun no esplorasaun kreatividade individuál no grupál ho objetivu forma no kapasita komunidade sira;
- Enkuadra dezenvolvimentu sosiál, umanu no teknolójiku atual, inklui oportunidade sira ne’ebé oferese husi teknolojia informasaun no rede, hodi kapasita komunidade sira no maximiza oportunidade sira ba empreendedorismu nian;
- Promove no koordena ho vários departamentu governamentál ba oportunidade sira relasionadu ho dezenvolvimentu rural;
- Dezenvolve asaun formasaun no kapasitasaun iha nivel preparasaun no realiza enkontru servisu ho komunidade lokal, hamutuk ho departamentu governamentál responsável ba apoiu ba organizasaun komunitária lokal;
- Kria mekanizmu komunikasaun ho servisu sentrál, munisípiu, organisasaun komunitária lokal no parseiru dezenvolvimentu, hodi fasilita implementasaun medida sira ne’ebé ho objetivu atu forma no kapasita komunidade sira.
- Elabora proposta ba kuadru pessoal Departamentu nian, asegura identifikasaun ba funsaun espesífiku husi funsionáriu sira ne’ebé iha Departamentu nia laran, hodi kumpri no respeitu ba planu orsamentu internu.
- Elabora dokumentu sira ne’ebé presiza iha ámbitu administrasaun públika, hodi asegura funsionamentu regular no efetivu ba Departamentu refere;
- Ezersé tarefa seluk sira ne’ebé atribui liu husi lei, regulamentu, ka determinasaun superior nian.
Departamentu Formasaun no Kapasitasaun lidera husi Xefe Departamentu ida, nomeadu tuir termu rejime jurídiku ba kargu diresaun no xefia iha Administrasaun Públika nian.
*RESOURCE: Diploma Ministerial N.º 18 /2024 de 28 de Fevereiro Artigu 10.º Departamentu Formasaun no Kapasitasaun