Departamentu Konstrusaun Infraestruturas Rurais mak servisu DNIR ne’ebé responsável ba implementasaun estratéjia sira relasiona ho konstrusaun infraestruturas rurais.
Kabe ba Departamentu Konstrusaun Infraestruturas Rurais atu:
- Elabora no implementa planu estratéjiku atu garantia funsionamentu di’ak ba Departamentu nian, nune’e tenke estabelese objetivu klaru, metas ho prazu ne’ebé definidu no tenke aprova husi Diretor DNPDRI;
- Dezenvolve no implementa planu ho proposta orsamentu internu atu aprezenta no aprova husi Diretor DNPDRI;
- Asegura realisasaun atividade sira ne’ebé presiza atu implementa polítika no estratéjia dezenvolvimentu infraestruturas rurais, ho koordenasaun hamutuk ho entidade sira seluk ne’ebé kompetente;
- Mantein koordenasaun efikas ho entidade sira seluk ne’ebé kompetente relasiona ho infraestruturas rurais, elabora relatórius ou akta reuniaun hosi enkontrus hotu ne’ebé mak realiza ona.
- Implementa atividade sira ne’ebé presiza atu ezekuta tuir planu annual no pluriannual ne’ebé hetan finansiamentu ba dezenvolvimentu hodi hadi’ak infraestrutura rural, ho koordenasaun hamutuk ho komunidade lokál sira no ho entidade sira seluk ne’ebé kompetentes;
- Analiza no estuda proposta projetu sira ne’ebé aprezenta husi aldeia sira atu hetan f inansiamentu ba Programa Dezenvolvimentu Rural no emite pareser kona-ba sira nia viabilidade no komplementaridade ho programa governu sira seluk;
- Determina kritériu sira ba análize proposta projetu sira, atu separa proposta sira ne’ebé hetan selesaun ho sira ne’ebé la hetan selesaun;
- Kria no mantén atualizasaun base dadus ho proposta projetu sira hotu ne’ebé simu;
- Propoin, ho koordenasaun hamutuk ho servisu sentrál sira seluk, servisu munisípiu, organizasaun komunitária lokál sira no parseiru dezenvolvimentu, asaun prioritaáriu sira ne’ebé hakarak atu halo ba dezenvolvimentu rural;
- Elabora proposta ba estrutura pessoal Departamentu nian, asegura identifikasaun funsaun espesífiku funsionáriu sira ne’ebé iha Departamentu nia laran, hodi kumpri no respeitu mos ba planu orsamentu internu nian;
- Elabora dokumentu sira ne’ebé presiza, iha ámbitu administrasaun públika, atu asegura funsionamentu regular no efetivu ba Departamentu;
- Hala’o tarefa seluk ne’ebé atribuídu husi lei, regulamentu ka desizaun superior nian.
Departamentu Konstrusaun Infraestruturas Rurais lidera husi Xefe Departamentu ida, nomeadu tuir termu rejime jurídiku kargu diresaun no xefia Administrasaun Públika. Artigu 8.o Departamentu Planeamentu Infraestruturas Rurais
*RESOURCE: Diploma Ministerial N.º 18 /2024 de 28 de Fevereiro Artigu 7.o Departamentu Konstrusaun Infraestruturas Rurais