Diresaun Jeral Habitasaun Komunitária, ne’ebé simplifikadu ho DGHC, mak servisu sentrál husi Ministériu Dezenvolvimentu Rural no Habitasaun Komunitária ne’ebé responsável atu garante orientasaun jeral no koordenasaun integrada husi servisu ministériu sira ho atribuisaun iha área habitasaun komunitária. DGHC nia atribuisaun/responsavel mak:

  1. Dezenvolve no formula medida polítika no estratéjia ba habitasaun komunitária, promove no koordena asaun ne’ebé presiza atu halo;
  2. Promove elaborasaun planu annual no planu pluriannual ka tinan naruk husi servisu relevante, inklui Programa Investimentu, Planu ba atividade Annual nian no planu setorial;
  3. Koordena no harmoniza elaborasaun no exekusaun planu atividade annual bazeia ba polítika no estratéjia ne’ebé definidu husi superiores;
  4. Garante koordenasaun jeral husi servisu sentrál sira relasiona ho asaun dezenvolvimentu ba habitasaun komunitária;
  5. Partisipa iha formulasaun medidas polítika orsamentu ba área intervensaun relevantes;
  6. Garante implementasaun no ezekusaun integradu husi polítika nasionál ba habitasaun komunitária tuir programa Governu no orientasaun Ministru nian;
  7. Dezenvolve estudu no peskiza kona-ba habitasaun komunitária;
  8. Propoin, implementa no monitoriza dezenvolvimentu polítika nasionál ba habitasaun komunitária, ho koordenasaun hamutuk ho departamentu governu sira ne’ebé kompetente iha área ida ne’e;
  9. Monitoriza, ezekuta programa habitasaun komunitária ne’ebé aprova husi superiors sira; j. Propoin projetu regulamentu kona-ba polítika habitasaun, liu-liu sira ne’ebé presiza atu halo ezekusaun ba Programa Nasionál ba Habitasaun Komunitária nian;
  10. Exersesiu ka halao tarefa sira seluk ne’ebé atribui husi lei, regulamentu ka desizaun superiors nian.

Estrutura DGHC nian inklui servisu sira tuir mai:

  1. Diresaun Nasionál Polítika Habitasaun Komunitária;
  2. Diresaun Nasionál ba Dezenvolvimentu Habitasaun Komunitária;
  3. Diresaun Nasionál ba Kontrolu Kualidade Habitasaun;

DGHC lidera husi Diretór Jerál, subordinadu iha hierarkia ba Ministru, nomeia liu husi rejime jurídiku ba kargu sira ba diretor no xefia iha Administrasaun Públika.

 

*RESOURSE: DECRETO-LEI N.º 67/2023 de 14 de Setembro Artigu 14.º Diresaun Jeral Habitasaun Komunitária