Diresaun Nasionál Finansas Patrimóniu no Logístika, abreviadamente designada ho DNFPL, mak servisu husi DGSC ne’ebé responsável ba prátika atu hala’o atividade material ne’ebé presiza ba exersísiu kompeténsia relasiona ho jestaun finanseira, orsamentál patrimoniál no logístika iha área MDRHC nian.

Servisu DNAFL mak:

1. 1. Elabora projetu orsamentu anuál MDRHC nian tuir orientasaun superior nian;
   2. Asegura realizasaun no kontrolu dotasaun orsamentál atribuídu ba MDRHC, sem prejudika existénsia meius kontrolu no avaliasaun ba kargu responsabilidade entidade seluk ne’ebé kompetente;
   3. Verifika legalidade gastu ka despesa no prosesu sira pagamentu tuir orientasaun superiór;
   4. Verifika legalidade reseitas sira ne’ebé mak rekolha ka arrekadadu husi servisu MDRHC nian no prosesu ba sira nia konformidade ka eskriturasaun kontabilístika ne’ebé kumpri tuir lejislasaun;
   5. Asegura realizasaun atividade material ne’ebé presiza hodi hala’o jestaun finanseira planu anuál no plurianuál, tuir orientasaun hosi superiór;
   6. Garante apoio logístika ba órgaun no servisu hotu MDRHC nian;
   7. Jere no monitoriza kareta ou veíkulu MDRHC nian, defini padraun ba utilizasaun, gastu kombustível/mina, utiliza sistema GPS no padraun ba servisu manutensaun nian;
   8. Jere ho efikáz stok, armazenamentu siguru no inventáriu períódiku ba ekipamentu no material konsumível MDRHC nian;
   9. Garante jestaun no protesaun ba propriedade móbil no imóbil Estadu nian iha MDRHC liu husi reparasaun, no defini programa manutensaun períódiku no existénsia kontratu públiku ba efeitu ida ne’e;
   10. Garante inventáriu, manutensaun no prezervasaun ba patrimóniu Estadu nian iha MDRHC no koordena atividade relevante ho servisu seluk, atu hatene sira nia nesesidade, no hala’o prosedimentu ba akizisaun no distribuisaun mateirál no ekipamentu ba unidade no subunidade orgánika ka funsionál sira.
   11. Koordena no asegura inventariasaun, jestaun, no kontrolu ba patrimóniu ne’ebé tama no sai iha armazén iha Unidade Orgánika balun husi MDRHC liu husi implementasaun sistema kontrolu no inspesaun;
   12. Realiza tarefa seluk ne’ebé atribuídu husi lei, regulamentu, ka desizaun superior nian.
   13. DNAFL dirije husi diretor nasionál ida, subordinadu iha hierarkia ba Diretór Jeral Servisu Korporativu, no nomeadu tuir termus rejime jurídiku kargu diresaun no xefia husi Administração Públika nian.

*RESOURCE: DECRETO-LEI N.º 67/2023 de 14 de Setembro Artigu 21.o Diresaun Nasionál Finansas, Patrimóniu no Logístika