Unidade Integrasaun Software, abreviadamente ho naran UIS, mak nu’udar servisu husi Gabinete Transformação no Dijitalizasaun nian ne’ebé responsável atu implementa sistema software husi Ministériu nian.
Kompeténsia ba UIS atu:
- Lidera dezenvolvimentu no jestaun husi aplikasaun governu no sistema software husi Ministériu nian;
- Dezenvolve estratéjia no superviziona integrasaun sistema software oin-oin ba organizasaun governu nian;
- Koordena ho departamentu sira iha Ministériu atu identifika nesesidade ba integrasaun no implementa solusaun ne’ebé fasilita partilha dadus, interoperabilidade no automatizasaun ba prosesu sira;
- Garante katak aplikasaun sira no sistema software husi Ministériu tuir norma, polítika no regulamentu seguransa relevantes;
- Estabelese norma ba integrasaun no interoperabilidade dadus atu fasilita partilha dadus entre aplikasaun no sistema sira ne’ebé diferentes;
- Fornese apoiu no formasaun ba utilizador sira konaba aplikasaun no sistema software atu maximiza benefísiu husi Sistema refere;
- Implementa ferramenta/tools no prosesu monitorizasaun atu identifika no resolve problema desempenhu, otimiza desempenhu sistema nian no garantia disponibilidade ida ne’ebé di’ak;
- Atualiza teknolojia emerjente ka foun no tendénsia setór relasionadu ho aplikasaun no sistema software administração públika;
- Avalia teknolojia foun, ferramenta no estrutura ne’ebé bele hadiak efisiénsia, efikásia no esperiénsia ba utilizasaun sistema administrasaun públika.
Unidade Integrasaun Software xefia husi Xefi Departamentu ida, nomeadu tuir termus lei ba kargu diresaun no xefia Adminstrasaun Públika nian.
*RESOURCE: Diploma Ministerial N.º 18 /2024 de 28 de Fevereiro Artigo 34.º Unidade Integrasaun Software