Unidade Servisu Auditoria Interna, konxedu hanesan USAI, mak servisu Gabinete Inspesaun iha matéria auditoria ba atividade finanseira órgaun no servisu MDRHC nian.
Kompetensia ba USAI atu:
- Halo auditoria ba sistema no prosedimentu kontrolu internu servisu MDRHC nian;
- Avalia kualidade sistema informasaun jestaun, inklui indikador desempenhu, nomós rezultadu ne’ebé hetan bazeia ba meius sira ne’ebé disponível;
- Verifika realizasaun objetivu sira ne’ebé define iha programa modernizasaun administrativa;
- Verifika integridade no konfiabilidade sistema sira estabelese atu assegura observasaun polítika, metas, planu, prosedimentu, lei, norma, no regulamentu, nomós aplikasaun efetivu husi MDRHC;
- Verifika efisiénsia, efikásia, no ekonomisidade ka utilizasaun diak iha desempenhu servisu no utilizasaun rekursu sira;
- Verifika kompatibilidade operasaun no programa sira ho objetivu, planu, no meiu ezekusaun sira ne’ebé estabelese ona.
- Propoin medidas atu prevene no deteta kazu sira ne’ebé laiha legalidade iha jestaun administrative ka mal administrasaun, finanseira no patrimonial;
- Avalia jestaun administrativa, finanseira no patrimonial ba servisu no rekursu sira MDRHC nian;
- Propoin instaurasaun ba prosesu disiplinares, responsabilidade sivil ka kriminal kontra funsionáriu sira MDRHC nian ka ema sira ne’ebé asosia ho sira, bainhira identifika indísiu katak, ho asaun ka omisaun, bele konstitui krimi;
- Asegura realizasaun ba asaun auditoria sira seluk ne’ebé atribuídu husi lei;
- Realiza tarefa seluk ne’ebé atribuídu husi lei, regulamentu ka determinasaun superior nian.
Unidade Servisu Auditoria Interna dirije husi Subinspetór ida, ho ekiparasaun ba efeitu legais hanesan ho diretor nasionál no depende iha hierarkia no funsionalmente husi Inspetór Gabinete Inspesaun no Auditoria nian.
*RESOURSE: Diploma Ministerial N.º 18 /2024 de 28 de Fevereiro Artigu 37.º Unidade Servisu Auditoria Interna