Hetan Vizita Kortezia Husi Xefe Kooperasaun Parlamentar DPR-RI Dr. Fadli Zon

Xefe Kooperasaun Parlamentar DPR-RI Dr. Fadli Zon, hato’o nia felisitasaun ba Vise-Primeiru Ministru relasiona ho kargu ne’ebé iha no orgullu tanba nia maluk ativista ida uluk tuir atividade oi-oin iha Indonezia, ohin loron bele hetan fiar iha estrutura governu.

Indonezia no Timor Leste kontinua kria relasaun amizade ne’ebé di’ak, entaun husi enkontru oinsá nafatin hatutan liña parseria hodi apoiu malu iha área dezenvolvimentu rural, agrikultura, no oinsá hametin relasaun di’ak iha área fronteira Nusa Tenggara Timur (NTT), iha ona MoU hodi servisu hamutuk iha futuru bele realiza.

Alende ne’e, Sr. Fadli Zon mós subliña katak, parlamentu Indonezia mós apoiu Timor-Leste bele sai hanesan parte ida husi AIPA (Asean Inter Parlamentary Assembly), tanba ne’e husi inisiu Governu Indonezia hein Timor bele inklina an iha laran.

Iha fatin henesan Vise-Primeiru Ministru hatete, iha enkontru hala’o diskusaun ho Sr. Fadli Zon, nudar ativisita antigu ida no membru Parlamentu Indonezia nian, ko’alia kona-ba modelu Dezenvolvimentu Rural no Abitasaun Komunitaria ne’ebé la’o iha Indonezia liu-liu oinsá dezenvolve área sira iha fronteira, tanba antes ne’e iha ona akordu lubuk ida atu dezenvolve hamutuk.

Ministériu Agrikultura sei halo servisu ba oin, liu-liu mota sira iha fronteira no parte Maliana nian ne’ebé presiza dezenvolve tan Fronteira Terrestre lubuk ida mak liga ba ne’eba ho nune’e hakarak diskute asuntu ne’e atu parlamentu sira bele tau atensaun hodi dezenvolve fronteira sira ne’e.

Parte rua ne’e mós diskute oinsá ba futuru bele kontinua nafatin servisu hamutuk entre jerasaun foun nomos oinsá atu servisu ba oin hodi bele hametin liután kooperasaun iha setór oi-oin ne’ebé presiza ba futuru.

𝐌𝐞𝐝𝐢𝐚 𝐕𝐏𝐌-𝐌𝐂𝐀𝐒-𝐌𝐃𝐑𝐇𝐂