Governu Ofissialmente Entrega Sintina Publiku ba Ekipa Jestaun Merkadu Manleu

𝐃𝐢́𝐥𝐢 : 𝟑𝟏 𝐉𝐮𝐥𝐥𝐮 𝟐𝟎𝟐𝟒 Kuarta Semana ne’e Direção Geral Desenvolvimento Rural (DGDR), liu husi Direção Nacional Infraestrutura Rurais (DNIR), ofisialmente entrega Sintina Públiku ba Ekipa Jestaun Merkadu Manleuana.

Hafoin entrega Sintina Públiku refere Diretor DGDR Filipe Cardoso Vieira hatete, fasilidades ida ne’e hodi atende ba ita nia vendedor sira ne’ebe sei halo atividade ekonómia iha área Merkadu Manleuana.

‘’Simplesmente reprezenta Ministériu MDRHC hamutuk ho servisu Munisipais jestaun Merkadu ho ekipa tomak Ohin ita bele konklui ona obra ne’ebé maka durante ne’e ita konstrui liu-liu liga ba iha konstrusaun Sintina Públiku ne’ebé lokalija iha área Merkadu Manleuana, tanba ne’e iha biban ida ohin obra ne’e rasik atinji ona 100 % atu bele entrega no fó ba iha benifisiáru sira nudar utilijador bele ona utilija fasilidade ida ne’e, tanba ne’e maka iha loraik ida ne’e parte rua tantu iha Munisípiu Díli no mós Direção Geral Desenvolvimento Rural bele realija Serimonia termu entrega katak obra ne’e konklui ona ninia fisikamente atinji 100% ohin ita halo han over ka entrega ona ba iha parte Munisípiu Díli liu husi diresaun servisu Munisípais jestaun Merkadu’’, dehan Diretór Filipe Cardoso.

Iha fatin hanesan Diretór Direção Nacional Infraestrutura Rurais (DNIR), Carascalão da Conceição hatete, tuir planu sei halo tan Sintina Públiku iha fatin ne’ebé identifika ona.

‘’Ohin bele halo ona inagurasaun no entrega ona ba parte jesatun Merkadu hodi bele utiliza ba nesesidade ne’ebé mak ita nia ema sira presija i sintina refere iha unidade 5 enkuantu ida halo ona hela 4 tuir nesesidade ne’ebé mak sira identifika katak presija tan 5 maibé teknikamente ami hare’e katak fatin ne’e seidauk bele atu konstrui, tanba fatin ne’e sei atiru’’, dehan Diretór Carascalão

Nune’e mós Diretór jestaun Merkadu Munisípiu Díli Artur Henrique hatete, nia parte agradese tebes ba governu, tanba bele responde problema ne’ebé durante ne’e vendedor sira hasoru iha Merkadu Manleu.

“Ba nesesidades ne’ebé presija atende emerjensia maka governu ho Diretór, ekipa sira katak presija sentina públiku ne’e urjente ne’ebé aselera ita nia koopersaun ne’ebé ita hala’o durante ne’e susesu tebes i ha’u pessoalmente nudar Diretór jestaun Merkadu i AMD agradese tebes ba Diretór Geral no Diretór Nasionál ho nia ekipa tomak ne’ebé kontribui hamenus no hatun todan ne’ebé iha ami nia leten, tanba durante ne’e problema barak maka ami infrenta, maske la iha orsamentu maibé grasa Maromak nian ha’u hetan parseiru ida ne’ebe ke diak bele kontribui no fo apoiu hodi responde ba nesesidade’’, hatete Diretór jestaun Merkadu Munisípiu Díli Artur Henrique.

Tuir estimativa tekniku nian orsamentu orijen ne’e iha 14.000.00 depois liu husi prosesu tender kompañia ne’ebé manan nia hetan 12.000.00

Entertantu atividade lansamentu Sintina Públiku ne’e ofisialmente lansa husi Diretór DNDR Sr. Filipe Cardoso Vieira hamutuk ho Diretór DNIR Carascalão da Conceição, Diretór jestaun Merkadu Munisípiu Díli Artur Henrique, no hetan partisipasaun masimu husi

ekipa tekniku no funsionáriu MDRHC.

Media MDRHC