tes
LIKISÁ, 22 Setembru 2026 – Diretór Diresaun Nasionál Inovasaun Promosaun no kapasitasaun (DNIPC), Manuel Maria dos Santos, hamutuk ho funsionáriu destakadu aldeia alvu Munisípiu Likisá, halo kolleita ikan banden faze dahuluk (I) iha Suku Mota Ulun, Aldeia Mota Ikun “Kaitehu”, Munisípiu Likisá, iha Tersa (22/09).
Atividade kolleita ne’e hanesan susesu husi programa revitalizasaun komunitaria MDRHC nian ne’ebé jere husi DNIPC hodi haburas produsaun ikan iha rai-laran, hamenus malnutrisaun, no haburas ekonomia komunidade nian iha nívél aldeia.
Iha okaziaun ne’e, Diretór DNIPC Manuel Maria dos Santos fó apresiasaun boot ba dedikasaun funsionáriu destakadu sira-nian ne’ebé servisu iha terrenu, hamutuk ho grupo benefisiariu sira ne’ebé ho kbiit tomak kuida no kria kolam ikan nian to’o bele hetan rezultadu kolleita ne’ebé di’ak.
Kolleita faze I ne’e sai hanesan pasu signifikativu hodi hatudu katak poténsia sektór peska no akua-kultura iha Munisípiu Likisá bele fornese ikan fresku ba merkadu lokal no asegura seguransa ai-han iha komunidade nia le’et.
Media MDRHC