Dili, 05/08/2023: Ekipa TIC-Timor I.P. halo reuniaun ho Vice-Primeiro Ministro, Ministro Coordenador dos Assuntos Social e Ministro de Desenvolvimento Rural e Habitação Comunitária, Eng. Mariano Assanami Sabino, hodi atualiza progresu servisu ne’ebé atinze ona durante ne’e.
Enkontru ne’e realiza bazeia ba pedidu Vise-Primeiru Ministru nian, ho objetivu atu TIC-Timor atuliza informasaun ba progresu serbisu sira, no atualiza progresu implentasaun Programa Timor Dizital, ho objetivu atu dizitaliza Sistema Governu nian to’o 2032.
Vise-Primeiru Ministru, apresia ho servisu balun ne’ebé TIC-Timor halo ona no lori governu nia naran enkoraza sira atu kontinua servisu ne’ebé la’o tiha ona.
Dadaun ne’e, Timor-Leste hola parte ona iha Organizasaun CPLP no la kleur tan sei tama ba Asean, presiza duni moderniza sosiedade ida ne’e tuir situasaun agora ho teknolojia moderna, lalais, atualizadu, nune’e bele kompete ho nasaun sira seluk iha rejiaun ne’e.
Media V-PM-MCAS-MDRHC.
