Dili, 04/08/2023: Vice-Primeiro-Ministro, Ministro Coordenador dos Asuntus Sosial e Ministro de Dezenvolvimentu Rural e Habitasaun Comunitária, (V-PM-MCAS-MDRHC), Eng. Mariano Assanami Sabino, realiza enkontru ho Reprejentante UNFPA iha Timor-Leste, Sra, Pressia Arifin Cabo, hodi ko’alia asuntu imporante sira relasiona ho servisu sosial nian, iha Palasiu Governu.
Iha sorumutu ne’e parte rua ko’alia liu asuntu saúde inan isin rua nian no oinsá atu hakotu mortalidade materna, liu husi investimentu sira iha fasilidade saúde ne’ebé asesivel ba inan isin-rua sira.
Alende ne’e ko’alia mós asuntu empoderamentu joventude liu-liu kriasaun servisu hodi emprega joven sira, hakotu violensia bazeia ba jéneru iha Timor-Leste, no prevensaun ba moras HIV.
Vise-Primeiru Ministru, MCAS-MDRHC, Eng. Mariano Assanami Sabino, hatete, tempu ona governu investe iha setór saúde hodi halakon mortalidade materna, no investe iha setór agrikultura nune’e hakotu má-nutirisaun iha Timor.
“Labarik sira mak jerasaun rai ne’e nian, investimentu barak ne’ebé ita halo ona sira mak sei hatutan, tanba ne’e tempu to’o ona ita investe ba sira, liu husi dezenvolvimentu setór produtivu sira,” dehan, iha Palasiu Govenu.
Atu rejolve problema sosial sira ne’ebé durante ne’e sai preokupasaun ema hotu nian mak governu hanoin ona atu investe iha setór produtivu sira, maibé presiza apoiu sosiedade tomak nian atu bele atinze politika ne’ebé governu trasa ona.
V-PM-MCAS-MDRHC
