Departamentu Polítika Dezenvolvimentu Rural Integradu mak servisu DNPDRI ne’ebé responsável atu propoin ba Ministru polítika sira ba dezenvolvimentu rural integradu nian.
Kabe ba Departamentu Polítika Dezenvolvimentu Rural Integradu atu:
- Elabora no implementa planu estratéjiku atu garantia funcionamentu di’ak ba Departamentu, ne’ebé tenke estabelese objetivu klaru, metas ho tempu hatudu no tenke aprova husi Diretor DNPDRI;
- Dezenvolve no implementa planu ho proposta orsamentu internu atu aprezenta no aprova husi Diretor DNPDRI;
- Define área/zona/ ba atuasaun husi kada atór interveniente iha prosesu dezenvolvimentu rural integradu no determina prioridade atuasaun ba kada atór;
- Propoin programa, polítika no estratéjia ba dezenvolvimentu rural integradu bazeia ba estudu no peskiza ne’ebé elabora husi Departamentu Estudu no Peskiza;
- Planea, halo dezeñu no propoin polítika sira ba dezenvolvimentu rural integradu;
- Asegura koordenasaun jeral servisu sentrál, servisu munisípiu, organizasaun komunitária lokál no parseiru dezenvolvimentu, relasiona ho asaun dezenvolvimentu rural integradu;
- Propoin estrutura reguladora ba setór dezenvolvimentu rural, ho koordenasaun hamutuk ho departamentu governu relevantes;
- Estimula dezenvolvimentu rural integradu, asosiasaun no kooperativismu iha meiu rural, ho koordenasaun hamutuk ho Sekretáriu Estadu Kooperativu.
- Asegura kondisaun atu implementa programa dezenvolvimentu rural, ho koordenasaun hamutuk ho servisu kompetente husi departamentu governu relevantes;
- Promove, koordena no implementa asaun apoiu ba dezenvolvimentu komunidade no ekonomia rural, ho koordenasaun hamutuk ho entidade sira seluk ne’ebé kompetente;
- Kria mekanizmu komunikasaun ho servisu sentrál, servisu munisípiu, organizasaun komunitária lokál no parseiru dezenvolvimentu, hodi fasilita regulasaun polítika dezenvolvimentu rural integradu;
- Elabora proposta ba estrutura pessoal Departamentu nian, asegura identifikasaun funsaun espesífiku funsionáriu sira iha Departamentu nia laran, hodi kumpri no respeitu ba planu orsamentu internu nian;
- Elabora dokumentu sira ne’ebé presiza, iha ámbitu administrasaun públika, atu asegura funsionamentu regular no efetivu Departamentu nian;
- Hala’o tarefa seluk ne’ebé atribuídu tuir lei, regulamentu ka desizaun superior nian.
Departamentu Polítika Dezenvolvimentu Rural Integradu lidera husi Xefe Departamentu ida, nomeadu tuir termu rejime jurídiku kargu diresaun no xefia Administrasaun Públika nian.
*RESOURCE: Diploma Ministerial N.º 18 /2024 de 28 de Fevereiro Artigu 6.o Departamentu Polítika Dezenvolvimentu Rural Integradu