Departamentu Planu no Polítika Habitasaun Komunitária mak servisu DNPHC responsável ba planu estratéjiku kona-ba Habitasaun Komunitária.
Kompeténsia Departamentu Planu no Polítika Habitasaun Komunitária mak atu:
- Elabora no implementa planu estratéjiku ba Departamentu hodi funsiona di’ak, nune’e tenki estabelese objetivu klaru, metas ho prazu definidu no tenki hetan aprovasaun husi Diretór DNPHC;
- Elabora no implementa planu ho proposta orsamentu internu atu aprezenta no hetan aprovasaun husi Diretór DNPHC;
- Implementa planu sira iha área polítika no estratéjia dezenvolvimentu Habitasaun komunitária bazeia ba estudu no peskiza ne’ebé elabora husi Departamentu Estudu Habitasaun Komunitária;
- Planea, halo deseñu no propoin polítika ba Habitasaun komunitária;
- Fornese asesoria teknika iha área Habitasaun komunitária, bazeia ba pedidu husi Diretór Nasionál Polítika Habitasaun Komunitária;
- Propoin kuadru legal ba setór Habitasaun komunitária ho kooperasaun hamutuk ho Departamentu Estudu Habitasaun Komunitária;
- Kria no implementa mekanizmu koordenasaun ho servisu sentrál, munisípiu, organizasaun komunitária lokal no parseiru dezenvolvimentu relasiona ho asaun ba dezenvolvimentu Habitasaun komunitária nian;
- Asegura implementasaun no ezekusaun integrada ba polítika nasionál Habitasaun komunitária, analiza provizaun rai ba uma ka habitasaun foun.
- Implementa planu finansamentu projetu ba habitasaun komunitária, ho koordenasaun hamutuk ho entidade sira seluk ne’ebé kompetente no departamentu sira husi MDRHC;
- Koordena teknikamente elaborasaun planu ba habitasaun komunitária, ho kolaborasaun hamutuk ho departamentu governu responsável ba área obras públika;
- Elabora proposta ba kuadru pessoal Departamentu nian, asegura identifikasaun funsaun espesífiku ba funsionáriu sira ne’ebé iha Departamentu nian laran, hodi kumpri no respeitu ba planu orsamentu internu nian;
- Elabora dokumentus ne’ebé presiza, iha âmbitu jestaun administrasaun públika, atu asegura funsionamentu regular no efetivu ba Departamentu refere;
- Ezerse tarefa seluk sira ne’ebé atribui liu husi lei, regulamentu, ka determinasaun superior nian.
Departamentu Planu no Polítika Habitasaun Komunitária lidera husi Xefe Departamentu ida, ne’ebé nomeadu tuir termu rejime jurídiku kargu diresaun no xefia Administrasaun Públika nian.
*RESOURSE: Diploma Ministerial N.º 18 /2024 de 28 de Fevereiro Artigu 13.º Departamentu Planu no Polítika Habitasaun Komunitária